သူတၢ်ဂ့ၢ်လၢ တၢ်မၤအသးလၢ ဆၢကတီၢ်ခဲအံၤတဖၣ် လၢနတၢ်စံၣ်တဲၤတဲလီၤတၢ်မၤအပူၤ

ဖဲယ့ၣ်ၡူး ဟးစံၣ်တဲၤတဲလီၤတၢ်အခါ အဝဲသူဝဲ တၢ်ကဲထီၣ်အသးလၢ ဆၢကတီၢ်ဖဲန့ၣ်တဖၣ် ဒ်သိးကသိၣ်လိပှၤဂၤအဂီၢ်. (လူၤ. ၁၃:၁-၅) ဒ်သိးပှၤကဒိကနၣ် ဘီမုၢ်အတၢ်သးခုကစီၣ်အဂီၢ် နၤစ့ၢ်ကီး နသူတၢ်ကဲထီၣ်အသးလၢ ဆၢကတီၢ်ခဲအံၤတဖၣ်သ့. နတဲဖျါထီၣ် တၢ်ကီတၢ်ခဲလၢ တၢ်လုၢ်အီၣ်သးသမူအဂီၢ်, န့ဆၢၣ်တၢ်ဘၣ်ဒိဘၣ်ထံး, ထံကီၢ်တၢ်ဂ့ၢ်သဘံၣ်ဘုၣ်, တၢ်စွဲကသံၣ်မူဘှီး, မ့တမ့ၢ် တၢ်ဂ့ၢ်အဂၤတဖၣ် မ့ၢ်ဝံၤ, သံကွၢ်တၢ်သံကွၢ်လၢ အထိၣ်ဟူးထိၣ်ဂဲၤထီၣ်ပှၤသး. ဘၣ်သ့ၣ်သ့ၣ် နကသံကွၢ်လၢ– “နဆိကမိၣ် . . . ကလီၤမၢ်ကွံာ် တဘျီဘျီဧါ.” မ့တမ့ၢ် “နဆိကမိၣ် တၢ်မနုၤတမံၤလၢ ကမၤဘၣ်ဂီၢ်က့ၤ . . . လဲၣ်.” ဝံၤဒီး ဖးပၠးအီၤ လံာ်စီဆှံအဆၢလၢ အဘၣ်ထွဲဒီး တၢ်ဂ့ၢ်အံၤ. မ့ၢ်ဖျါလၢ အသးအိၣ်ဒိကနၣ်တၢ်န့ၣ် ဒုးနဲၣ်အီၤ တၢ်ဂီၤမူ မ့တမ့ၢ် လံာ်လဲၢ်တဖၣ်လၢ အိၣ်လၢတၢ်ပီးတၢ်လီလၢ တၢ်သိၣ်လိနဲၣ်လိတၢ်အဂီၢ်အပူၤ. ဖဲပဂုာ်ကျဲးစၢးတဲတၢ် ဒ်သိးကထုးန့ၢ်ပှၤလၢ အအိၣ်လၢ ပဟီၣ်ကဝီၤပူၤတဖၣ်အသးအခါ မ်ပ “မၤတၢ်ခဲလၢာ်လၢ တၢ်သးခုကစီၣ်အဂီၢ်” တက့ၢ်.—၁ ကရံၣ်. ၉:၂၂, ၂၃.

ပှၤလၢအိၣ်လၢနလီၢ်ကဝီၤပူၤတဖၣ် သးအိၣ်ဒိကနၣ်ဝဲ တၢ်ဂ့ၢ်မနုၤလဲၣ်.