နကမၤပှၤလဲၤလၢညါ

ဖဲပဂုာ်ကျဲးစၢး မၤလၢပှဲၤ ပဖီတၢၣ်လၢ ကစၢ်ယွၤအတၢ်မၤအဂီၢ်အခါ မ့ၢ်ဒၣ်​ ပသူပဂံၢ်ပဘါလၢ တၢ်ကူၣ်သ့အပူၤ. (၁ ကရံၣ်. ၉:၂၆) ပအိၣ်မူဘၣ်လၢ မုၢ်နံၤခံကတၢၢ် ဒီးပတၢ်ဆၢကတီၢ် တအိၣ်အါအါလၢၤဘၣ်အဃိ ပမ့ၢ်ပာ်လီၤဃာ် ဖီတၢၣ်တဖၣ်န့ၣ်​ ကမၤစၢၤပှၤဒ်သိး ပကသူပတၢ်ဆၢကတီၢ် လၢတၢ်ကူၣ်သ့အပူၤ. (အ့း. ၅:​၁၅, ၁၆) ဖဲနမၤဟံၣ်ဖိဃီဖိ တၢ်မၤလိလံာ်စီဆှံအခါ နတဲသကိး ဘၣ်ဃးဒီး ဖီတၢၣ်လၢ နအဲၣ်ဒိးပာ်လီၤဃာ်အီၤ လၢတၢ်မၤအနံၣ်​ အသီတနံၣ်အဂီၢ်သ့. ကၠိဖိလံာ်တၢ်မၤလိအံၤ ပာ်ဖျါထီၣ်ဝဲ ဖီတၢၣ်လၢ နပာ်လီၤအီၤသ့တဖၣ်လီၤ. အဃိ ဆိကမိၣ်ထံ ဒီးဃ့ဘါထုကဖၣ်လၢ နကပာ်လီၤဖီတၢၣ်အဂီၢ်.​—⁠ယၤ. ၁:⁠၅.

အဒိ, မ့ၢ်နဟံၣ်ဖိဃီဖိတဖၣ်​ မၤစၢၤနဟံၣ်ဖိဃီဖိ တဂၤဂၤလၢ ကမၤပှၤလဲၤလၢညါ (regular pioneer) အဂီၢ်ကသ့ဧါ. နမ့ၢ်အဲၣ်ဒိးမၤ ပှၤလဲၤလၢညါ ဒီးနမ့ၢ်ဘၣ်ယိၣ်လၢ နနၣ်ရံၣ်တပှဲၤဘၣ်န့ၣ်​ တဲသကိးတၢ်ဒီး ပှၤလဲၤလၢညါတဂၤဂၤလၢ အတၢ်အိၣ်သး ဒ်သိးဒီးနၤ. (ကတိၤ. ၁၅:၂၂) ဖဲနမၤ ဟံၣ်ဖိဃီဖိ တၢ်မၤလိလံာ်စီဆှံအခါ ဘၣ်သ့ၣ်သ့ၣ်​ နမၤတၢ်သံကွၢ်စံးဆၢဒီး ပှၤလဲၤလၢညါတဂၤသ့. ဒီးကွဲးလီၤ နတၢ်ရဲၣ်တၢ်ကျဲၤလၢ နမၤအီၤ ကတုၤထီၣ်ထီၣ်ဘးတဖၣ်. လၢညါ နမ့ၢ်မၤဘၣ်​ ပှၤလဲၤလၢညါန့ၣ်​ ဆိကမိၣ်ထံ ဘၣ်ဃးဒီး ခဲအံၤ နမၤပှၤလဲၤလၢညါ ကသ့ဧါ.

နဟံၣ်ဖိဃီဖိတနီၤ မၤပှၤလဲၤလၢညါမၤစၢၤတၢ် တလါ မ့တမ့ၢ် အါန့ၢ်ဒံးတလါ ကသ့ဧါ. နမ့ၢ်အဲၣ်ဒိးမၤ ပှၤလဲၤလၢညါမၤစၢၤတၢ် ဒီးနမၤမ့ၢ်တကဲ အါအါဘၣ်န့ၣ်​ ဒ်သိးနမၤအီၤကန့ၢ်အဂီၢ် နစံၣ်တဲၤတဲလီၤတၢ် တနံၤတစဲး တနံၤတစဲး ကိးနံၤဒဲးသ့. ဒီးအဂၤတခါန့ၣ်​ နမ့မ့ၢ်ပှၤလၢ အဘၣ်မၤတၢ်မၤအါအါ မ့တမ့ၢ် နကဲကၠိဖိအဃိ နလဲၤစံၣ်တဲၤတဲလီၤတၢ် မ့ၢ်တချုးအါအါဘၣ်န့ၣ်​ နဃုထၢ လါလၢအအိၣ်ဒီး နံၤသဘျ့ မ့တမ့ၢ် လါလၢ နွံအိၣ်ယဲၢ်နွံသ့လီၤ. လၢလံာ်နံၣ်လံာ်လါအပူၤန့ၣ်​ ကွဲးလီၤဃာ်တၢ်ဆၢကတီၢ် လၢနကမၤပှၤလဲၤလၢညါမၤစၢၤတၢ် ဒီးနတၢ်ရဲၣ်တၢ်ကျဲၤတဖၣ်.​—⁠ကတိၤ. ၂၁:⁠၅.

ကွၢ်တၢ်ဂီၤမူလၢအမ့ၢ် အိၣ်ဒီးတၢ်သူၣ်ဒူသးဒူ . . . ပှၤလဲၤလၢညါ ဒီးစံးဆၢတၢ်သံကွၢ်တဖၣ်အံၤ–

• ယဟိဝၤယွၤ အဲၣ်ဝဲဒီးကွၢ်ထွဲဝဲ ပှၤလၢအဟ့ၣ်လီၤအသးလၢ ကမၤပှၤလဲၤလၢညါန့ၣ်​ ဒီပုၢ်ဝဲၢ်မုၣ်အၢၤမၢ အတၢ်လဲၤခီဖျိ ပာ်ဖျါထီၣ်ဝဲဒ်လဲၣ်.