Kokkinakis v. Greece: Droit réservé
စုစ့ၣ် ဆူစုထွဲ– West Virginia State Board of Education v. Barnette; Kokkinakis v. Greece; Taganrog LRO and Others v. Russia; Cha and Others v. South Korea
အိၣ်မူဒ် ခရံာ်ဖိအသိး
“ဒုးအိၣ်ထီၣ် ဒီးမၤဂၢၢ်မၤကျၢၤ ပတၢ်ခွဲးတၢ်ယာ်လၢ ပဒိၣ်အမဲာ်ညါ” ဒ်သိးပစံၣ်တဲၤတဲလီၤ တၢ်သးခုကစီၣ် ကန့ၢ်အဂီၢ်
ဖဲပှၤအံၣ်စရ့လးဖိတဖၣ် တ့ထီၣ်တၢ်လုၢ်ဟံၣ်အခါ ပှၤထီဒါတၢ်တဖၣ် ဂုာ်ကျဲးစၢး မၤပတုာ် အဝဲသ့ၣ် အတၢ်သူၣ်ထီၣ်ဘှီထီၣ်တၢ်မၤ. ဘၣ်ဆၣ် အဝဲသ့ၣ် ဂုာ်ကျဲးစၢးဝဲ ဒ်သိး ပဒိၣ်ကဟ့ၣ်အခွဲးလၢ အဝဲသ့ၣ် ကဆဲးတ့ထီၣ်တၢ်အဂီၢ်. (ဧ့ ၅:၁၁-၁၆) ဒ်န့ၣ်အသိး ခရံာ်ဖိလၢ ပစိၤခဲအံၤစ့ၢ်ကီး ဒုးအိၣ်ထီၣ် ဒီးမၤဂၢၢ်မၤကျၢၤ တၢ်ခွဲးတၢ်ယာ်လၢ ပဒိၣ်အမဲာ်ညါ ဒ်သိးပစံၣ်တဲၤတဲလီၤ တၢ်သးခုကစီၣ်ကန့ၢ်အဂီၢ်. (ဖံလံး ၁:၇) ဒ်သိး ပှၤကမၤဝဲဒ်န့ၣ်အဂီၢ် ဖဲ ၁၉၃၆ န့ၣ်ပှၤဒုးအိၣ်ထီၣ် တၢ်မူးတၢ်ရၢ်ဝဲၤကျိၤ လၢဝဲၤလီၢ်ခိၣ်သ့ၣ်. ဝဲၤလီၢ်ခိၣ်သ့ၣ် အတၢ်မူးတၢ်ရၢ်ဝဲၤကျိၤန့ၣ် မၤစၢၤဝဲ တၢ်စံၣ်တဲၤတဲလီၤတၢ်မၤ လၢဟီၣ်ခိၣ်ဒီဘ့ၣ်. အမၤစၢၤတၢ်ဒ်လဲၣ် ဒီးအကဲဘျုးလၢ ကစၢ်ယွၤ အပှၤဂီၢ်မုၢ်တဖၣ်အဂီၢ် ဒ်လဲၣ်.
ကွၢ်တၢ်ဂီၤမူ လၢအမ့ၢ် ဝဲၤလီၢ်ခိၣ်သ့ၣ် အတၢ်မူးတၢ်ရၢ်ဝဲၤကျိၤအဂ့ၢ်, ဒီးစံးဆၢတၢ်သံကွၢ်တဖၣ်အံၤ–
ယဟိဝၤပှၤအုၣ်အသးတဖၣ် ထံၣ်ဘၣ်ဒီး တၢ်ကီတၢ်ခဲလၢ တၢ်မူးတၢ်ရၢ်တကပၤဒ်လဲၣ်.
ဖဲပထီၣ်ရူအခါ ပမၤနၢၤတၢ်ဒ်လဲၣ်. ဟ့ၣ်တၢ်အဒိ
ပပၣ်ဃုာ်လၢတၢ် “ဒုးအိၣ်ထီၣ် ဒီးမၤဂၢၢ်မၤကျၢၤ ပတၢ်ခွဲးတၢ်ယာ်လၢ ပဒိၣ်အမဲာ်ညါ” လၢတၢ်သးခုကစီၣ်အဂီၢ် ကသ့ဒ်လဲၣ်.
ဘၣ်ဃးဒီး ယဟိဝၤပှၤအုၣ်အသးတဖၣ် ထီၣ်တၢ်မူးတၢ်ရၢ် ဒီးပှၤလၢအဘၣ်လီၤလၢ ဃိာ်ပူၤအဂ့ၢ်န့ၣ် ပဃုထံၣ်န့ၢ်အီၤလၢ ပပှာ်ယဲၤသန့ (ဝဲးပဆဲး) အပူၤကသ့ဒ်လဲၣ်.