အိၣ်မူဒ် ခရံာ်ဖိအသိး
ယဟိဝၤယွၤမၤစၢၤ ပှၤလၢအသး လီၤသဘှံး
ပှၤတဂၤဂ့ၤတဂၤဂ့ၤန့ၣ် တဘျီတခီၣ် အသးအုးဝဲ. ပမ့ၢ်သးအုးန့ၣ် အခီပညီတမ့ၢ်လၢ ပနီၢ်သးလီၤစၢ်န့ၣ်ဘၣ်. ယဟိဝၤယွၤစ့ၢ်ကီး တဘျီတခီၣ်န့ၣ် အသးအုး. (၁ မိၤ ၆:၅, ၆) ဘၣ်ဆၣ် ပမ့ၢ်သးအုးဖးဒိၣ် မ့တမ့ၢ် ပမ့ၢ်သးအုးထီဘိဟီမီၤ ပဘၣ်မၤဒ်လဲၣ်.
ဃ့ယဟိဝၤယွၤ အတၢ်မၤစၢၤ. ပသးအတၢ်တူၢ်ဘၣ် အိၣ်ဒ်လဲၣ်န့ၣ် ယဟိဝၤယွၤ ပာ်သူၣ်ပာ်သးဝဲထီဘိ. ပမ့ၢ်သးအုးမ့ၢ်ဂ့ၤ, ပမ့ၢ်သးခုမ့ၢ်ဂ့ၤန့ၣ် ယဟိဝၤယွၤ သ့ၣ်ညါဝဲ. ဒီးဘၣ်မနုၤအဃိ ပသးအုးလဲၣ်, ဘၣ်မနုၤအဃိ ပတူၢ်ဘၣ်ဒ်န့ၣ်လဲၣ်န့ၣ် ယဟိဝၤယွၤ နၢ်ပၢၢ်ဝဲ. (စံး ၇:၉) ပမ့ၢ်သးအုး မ့တမ့ၢ် အိၣ်ဒီးသးဂံၢ်ဘါလီၤစၢ်တၢ်ဆါန့ၣ် ဒ်သိး ပလဲၤခီဖျိအီၤ ကန့ၢ်အဂီၢ် ယဟိဝၤယွၤ သးအိၣ်မၤစၢၤပှၤ ဒီးအမၤစၢၤပှၤသ့.—စံး ၃၄:၁၈.
ပလီၢ်နသး လၢနတၢ်ဆိကမိၣ် လၢကမၤဟးဂီၤနသး. နသးမ့ၢ်ဟးဂီၤန့ၣ် နတၢ်သးခု လီၤမၢ်ကွံာ်သ့ တကးဒံးဘၣ် ကမၤဘၣ်ဒိ နတၢ်ရ့လိာ်သးဒီး ယဟိဝၤယွၤ. အဃိ ပကဘၣ်ဒီသဒၢပသး ခီဖျိ ပလီၢ်ပသးလၢ ပတၢ်ဆိကမိၣ် ဒီးပတၢ်တူၢ်ဘၣ်တဖၣ်.—ကတိၤ ၄:၂၃.
ကွၢ်တၢ်ဂီၤမူလၢ အခိၣ်တီမ့ၢ်ဝဲ အိၣ်ဒီးတၢ်သးလီၤစၢ်တၢ်ဆါ ဘၣ်ဆၣ် တၢ်သူၣ်မံသးမုာ် တလီၢ်မၢ်ဘၣ်, ဝံၤဒီးစံးဆၢ တၢ်သံကွၢ်လၢ တၢ်ဖီလာ်တဖၣ်အံၤ–
ဒ်သိး ဒီပုၢ်ဝဲၢ်မုၣ်နံၣ်ကံၤ လဲၤခီဖျိဝဲ တၢ်သးလီၤစၢ်တၢ်ဆါ ကန့ၢ်အဂီၢ် အဝဲမၤဝဲဒ်လဲၣ်.
ဘၣ်မနုၤအဃိ ဒီပုၢ်ဝဲၢ်မုၣ်နံၣ်ကံၤ ဆိကမိၣ်ဝဲလၢ အကဘၣ်လဲၤထံၣ်လိာ်အသးဒီး ကသံၣ်သရၣ်လဲၣ်.—မး ၉:၁၂
ဒီပုၢ်ဝဲၢ်မုၣ်နံၣ်ကံၤ သန့ၤအသးလၢ ယဟိဝၤယွၤဒ်လဲၣ်.