အိၣ်မူဒ် ခရံာ်ဖိအသိး
မိၢ်ပၢ်သ့ၣ်ဧၢ သိၣ်လိသုဖိတဖၣ်လၢ ကမၤသးခု ယဟိဝၤယွၤအသး
ယဟိဝၤယွၤ ပာ်လုၢ်ပာ်ပှ့ၤဝဲ ပှၤသးစၢ်တဖၣ်ဒိၣ်မး. ပှၤသးစၢ်တဖၣ် အတၢ်နာ် ဒီးအတၢ်အဲၣ် ယဟိဝၤယွၤ ဟဲဒိၣ်ထီၣ်ဝဲ ဒီးအအိၣ်ဒီး တၢ်တူၢ်န့ၢ်ခီၣ်ကဲန့ၣ် ယဟိဝၤယွၤထံၣ်ဝဲ. (၁ မူၤ ၂:၂၆; လူၤ ၂:၅၂) အဝဲသ့ၣ် အသးမ့ၢ်စၢ်ဒိၣ်မးနာ်က့ အမၤသးခု ယဟိဝၤယွၤ အသးသ့ ခီဖျိ အိၣ်ဒီးတၢ်သကဲာ်ပဝးလၢအဂ့ၤ. (ကတိၤ ၂၇:၁၁) ဒ်သိး မိၢ်ပၢ်တဖၣ် သိၣ်လိအဖိလၢ ကအဲၣ်ယဟိဝၤယွၤ ဒီးဒိကနၣ် ယဟိဝၤယွၤ အကလုၢ် ကသ့အဂီၢ် တၢ်ကရၢကရိ ကတဲာ်ကတီၤန့ၢ်အဝဲသ့ၣ် တၢ်ပီးတၢ်လီလၢ အဂ့ၤဒိၣ်မးတဖၣ်.
ကွၢ်တၢ်ဂီၤမူ လၢအမ့ၢ် “သးစၢ်သ့ၣ်ဧၢ—နအိၣ်ဒီးတၢ်တူၢ်န့ၢ်ခီၣ်ကဲအဃိ မၤသးခုယဟိဝၤယွၤ” ဒီးစံးဆၢတၢ်သံကွၢ်လၢ တၢ်ဖီလာ်တဖၣ်အံၤ–
လၢအပူၤကွံာ် အနံၣ်အါမး အတီၢ်ပူၤန့ၣ် ယဟိဝၤယွၤ ကတဲာ်ကတီၤဝဲ တၢ်မၤစၢၤ ဒီးတၢ်ဟံးစုနဲၣ်ကျဲမနုၤတဖၣ် လၢပှၤသးစၢ်အဂီၢ်လဲၣ်.
ခဲအံၤန့ၣ် မိၢ်ပၢ်တဖၣ် ဒိးန့ၢ်ဘၣ်ဝဲ တၢ်မနုၤတဖၣ် လၢကမၤစၢၤအဖိအဂီၢ်လဲၣ်.
နမ့ၢ်ကဲ ပှၤသးစၢ်န့ၣ် လၢတၢ်ပီးတၢ်လီလၢ ယဟိဝၤယွၤ ကတဲာ်ကတီၤန့ၢ်ဝဲတဖၣ်အကျါ နဒိးန့ၢ်ဘၣ်အဘျုး ဖဲလဲၣ်တခါလဲၣ် ဒီးဘၣ်မနုၤအဃိလဲၣ်.