Kim Steele/The Image Bank via Getty Images
ဘၣ်ဃးဒီး ကျိၣ်စ့ တၢ်ကီတၢ်ခဲန့ၣ် ယွၤအဘီအမုၢ် ကမၤမနုၤလဲၣ်
လၢဟီၣ်ခိၣ်ဒီဘ့ၣ်န့ၣ် ပှၤအါဂၤ ထံၣ်ဘၣ်ဒီး ကျိၣ်စ့ တၢ်ကီတၢ်ခဲ ဒီးတၢ်ကီတၢ်ခဲတခါအံၤန့ၣ် ဒံးယံာ်ဒံးနးထီၣ်ဝဲ.
တယံာ်ဒံးဘၣ်န့ၣ် တၢ်မၤနီၣ် ဘၣ်ဃးဒီး ဟီၣ်ခိၣ်ဒီဘ့ၣ်a ပာ်ဖျါထီၣ်ဝဲလၢ “စ့အပှ့ၤ လီၤမးလီၤအဃိ ပှၤပှ့ၤတၢ်န့ၢ်ထဲတစဲးဖိလီၤ.” ဒီးအဟ့ၣ်ပလီၢ်ဝဲလၢ တၢ်ဆီတလဲ မ့ၢ်တအိၣ်ဘၣ်န့ၣ် “ပှၤကဲဒိၣ်တဖၣ် ကကဲဒိၣ်တလၢ ဒီးပှၤဖှီၣ်ဖိတဖၣ် ကဖှီၣ်ဒိၣ်တလၢ.” တကးဒံးဘၣ် တၢ်အိၣ်သးတခါအံၤန့ၣ် ကနးထီၣ်ဝဲအဃိ “ဟံၣ်ဖိဃီဖိတဖၣ် ကထံၣ်ဘၣ်ဒီး တၢ်ကီတၢ်ခဲအါထီၣ်.”
ကျိၣ်စ့တၢ်ကီတၢ်ခဲတဖၣ် အိၣ်အါထီၣ်မးအါထီၣ်အဃိ ပဒိၣ်ပပှၢ်တဖၣ် မၤလီၤမၢ်ကွံာ်ဝဲ တၢ်ကီတၢ်ခဲတခါအံၤကန့ၢ်ဧါ.
လံာ်စီဆှံ ပာ်ဖျါထီၣ်ဝဲ တၢ်ပၢတၢ်ပြးအိၣ်ဝဲတခါလၢ အမၤလီၤမၢ်ကွံာ် ကျိၣ်စ့ တၢ်ကီတၢ်ခဲ ဒီးတၢ်တထဲသိးတုၤသိးလိာ်သးသ့ ဒီးကမၤဝဲအဂ့ၢ်. လံာ်စီဆှံတဲဝဲလၢ “ကစၢ်ယွၤ လၢမူခိၣ် ကသူၣ်ထီၣ် ဘီမုၢ် တဘ့ၣ်” လၢအမ့ၢ်ဝဲ တၢ်ပၢတၢ်ပြးတခါ လၢအကမၤလီၤမၢ်ကွံာ် ဟီၣ်ခိၣ်တၢ်ကီတၢ်ခဲတဖၣ်. (ဒၤနံးယ့လး ၂:၄၄) လၢတၢ်ပၢတၢ်ပြးတခါအံၤအဖီလာ်န့ၣ် ပှၤလၢ အဘၣ် တၢ်သးပ့ၤနီၣ်အီၤ မ့တမ့ၢ် ကွၢ်ကပာ်ကွံာ်အီၤန့ၣ် တအိၣ်နီတဂၤဘၣ်. (စံးထီၣ်ပတြၢၤ ၉:၁၈) လၢယွၤ အဘီအမုၢ် တၢ်ပၢဖီလာ်န့ၣ် ပှၤကိးဂၤဒဲး ကဒိးန့ၢ်ဘၣ်တၢ်လၢ အဝဲသ့ၣ်လိၣ်ဘၣ်ဝဲလၢ ကမၤသးခုအီၤ. ဒီးပှၤကိးဂၤဒဲး ကဒိးန့ၢ်ဘၣ် တၢ်သူၣ်မံသးမုာ်လၢ အတၢ်မၤအပူၤ.—ယၡါယၤ ၆၅:၂၁, ၂၂.
a International Labour Organization Global Wage အတၢ်မၤနီၣ် လၢ ၂၀၂၂-၂၀၂၃ အဂီၢ်