ယဟိဝၤပှၤအုၣ်အသးတဖၣ် မၤလိလံာ်စီဆှံဒီးပှၤဂၤန့ၣ် မ့ၢ်မနုၤလဲၣ်
ဒ်သိးနကမၤလိ လံာ်စီဆှံအတၢ်သိၣ်လိတဖၣ်အဂီၢ် ယဟိဝၤပှၤအုၣ်အသးတဖၣ် အဲၣ်ဒိးမၤစၢၤနၤ. တၢ်မၤလိလံာ်စီဆှံ အတၢ်ရဲၣ်တၢ်ကျဲၤအံၤ ကမၤစၢၤနၤလၢ–
နကသးခု
နကကဲထီၣ်ကစၢ်ယွၤ အတံၤသကိး
နကသ့ၣ်ညါဘၣ် လံာ်စီဆှံအတၢ်အၢၣ်လီၤအီလီၤလၢ ဘၣ်ဃးဒီးခါဆူညါအဂ့ၢ်
လၢလံာ်ကဘျံးပၤအံၤ
ယမ့ၢ်မၤလိလံာ်စီဆှံန့ၣ် ပှၤကမၢဆူၣ်ယၤလၢ ယကဘၣ်ကဲထီၣ် ယဟိဝၤပှၤအုၣ်အသးဧါ
လၢအပူၤကွံာ် ယမ့ၢ်မၤလိလံာ်စီဆှံဒီး ယဟိဝၤပှၤအုၣ်အသးန့ၣ် ခဲအံၤယက့ၤမၤလိကဒီး ကသ့ဧါ
နအဲၣ်ဒိးမၤလိလံာ်စီဆှံလၢ နနီၢ်ကစၢ် ဒီးတလိၣ်ပှၤသိၣ်လိတၢ်ဘၣ်န့ၣ်ဧါ
တၢ်မၤလိလံာ်စီဆှံန့ၣ် ပှၤမၤအီၤဒ်လဲၣ်
ပှၤလၢအသိၣ်လိတၢ်တဂၤန့ၣ် ကမၤစၢၤနၤလၢ နကသ့ၣ်ညါအါထီၣ် လံာ်စီဆှံ အတၢ်ဂ့ၢ်တၢ်ကျိၤ တဆီဘၣ်တဆီလီၤ. နမ့ၢ်မၤလိလံာ်လၢအမ့ၢ် အိၣ်မူလီၤထူလီၤယိာ် ပှဲၤဒီးတၢ်သးခု—တၢ်မၤလိသကိး လံာ်စီဆှံ န့ၣ်နကသ့ၣ်ညါအါထီၣ်ဘၣ် တၢ်လၢလံာ်စီဆှံသိၣ်လိဝဲတဖၣ် ဒီးမၤစၢၤနၤသ့ဒ်လဲၣ် အဂ့ၢ်လီၤ. ဒ်သိးနကသ့ၣ်ညါအါထီၣ်အဂီၢ် ကွၢ်တၢ်ဂီၤမူအံၤ.
ယကဘၣ်ဟ့ၣ် တၢ်အဘူးအလဲလၢ တၢ်မၤလိလံာ်စီဆှံအဂီၢ်ဧါ
တလိၣ်ဟ့ၣ်ဘၣ်. ပမၤထွဲတၢ်ဟံးစုနဲၣ်ကျဲလၢ ယ့ၣ်ၡူးဟ့ၣ်တ့ၢ်ဝဲ အပျဲၢ်အဘီၣ်တဖၣ်လၢ “သုန့ၢ်ဘၣ်ကလီတၢ်အဃိ ဟ့ၣ်ကလီတၢ်တက့ၢ်.” (မးသဲ ၁၀:၈) ပှၤသိၣ်လိတၢ်ဖိတဂၤ တဟံးန့ၢ်အဘူးအလဲဘၣ်. ဒီးနကဒိးန့ၢ်ဘၣ် လံာ်စီဆှံ ဒီးလံာ်လၢအမ့ၢ် အိၣ်မူလီၤထူလီၤယိာ် ပှဲၤဒီးတၢ်သးခု အဂီၢ် တလိၣ်နဟ့ၣ်စ့ စ့ၢ်ကီးဘၣ်.
တၢ်မၤလိလံာ်စီဆှံန့ၣ် ယံာ်ဝဲထဲလဲၣ်
တၢ်မၤလိ အတၢ်ရဲၣ်တၢ်ကျဲၤအံၤ တၢ်မၤလိအိၣ်ဝဲအခါ ၆၀ လီၤ. တၢ်ဆၢကတီၢ်ကယံာ်ဝဲထဲလဲၣ်န့ၣ် ကသန့ၤထီၣ်အသးလၢ ပှၤလၢအမၤလိတၢ်တဂၤအဖီခိၣ်လီၤ. ပှၤအါတက့ၢ်န့ၣ် အဲၣ်ဒိးမၤလိဝဲ တနွံတဘျီ မ့တမ့ၢ် အါန့ၢ်အန့ၣ်လီၤ.
ယကဘၣ်စးထီၣ် မၤလိတၢ်ဂ့ၢ်မနုၤလဲၣ်
၁. မၤပှဲၤလံာ်ပတံထီၣ်လၢ online အပူၤ. နနီၢ်ကစၢ်တၢ်ဂ့ၢ်တၢ်ကျိၤလၢ နကွဲးလီၤအီၤတဖၣ်န့ၣ် ပကသူအီၤထဲဒၣ်လၢ ပကရဲၣ်ကျဲၤ ပှၤလၢကဆဲးကျိးဒီးနၤတဂၤ ဒ်နဃ့ထီၣ်အသိးလီၤ.
၂. ပှၤသိၣ်လိတၢ်ဖိ ကဆဲးကျိးနၤ. အဝဲကတဲပၠးနၤ ဘၣ်ဃးဒီး တၢ်မၤလိလံာ်စီဆှံအဂ့ၢ် ဒီးကစံးဆၢက့ၤဝဲ တၢ်သံကွၢ်လၢနသံကွၢ်အီၤတဖၣ်လီၤ
၃. နၤဒီးပှၤသိၣ်လိတၢ်ဖိ သုကမၤတၢ်ရဲၣ်တၢ်ကျဲၤလၢ တၢ်မၤလိအဂီၢ်. တၢ်မၤလိလံာ်စီဆှံန့ၣ် နမၤလၢမဲာ်သကိးမဲာ်, လီတဲစိ, video call, ဆှၢလံာ် မ့တမ့ၢ် အံမ့(လ်) သ့လီၤ. တၢ်မၤလိအဆၢကတီၢ်န့ၣ် ယံာ်ဝဲတနၣ်ရံၣ် ဘၣ်ဆၣ် နကမၤလိအီၤယံာ်ဧါ တယံာ်ဘၣ်ဧါန့ၣ် ကသန့ၤထီၣ်အသးလၢ နတၢ်အိၣ်သးအဖီခိၣ်လီၤ.
ယမၤလိကွၢ်ထဲ တၢ်မၤလိတခါသ့ဧါ
သ့. မၤပှဲၤလံာ်ပတံထီၣ်လၢ online အပူၤ. ဖဲပှၤသိၣ်လိတၢ်တဂၤဆဲးကျိးနၤအခါ တဲဘၣ်အီၤလၢ နအဲၣ်ဒိးမၤလိကွၢ်ထဲ တၢ်မၤလိတခါဧိၤတက့ၢ်. အဝဲကသူဝဲ လံာ်လၢအမ့ၢ် အိၣ်မူလီၤထူလီၤယိာ် ပှဲၤဒီးတၢ်သးခု—တၢ်မၤလိ လံာ်စီဆှံ အခီၣ်ထံးတပတီၢ်, လံာ်အံၤန့ၣ် တၢ်မၤလိအိၣ်သၢခါ, ဒီးကမၤစၢၤနၤလၢ နမၤလိတၢ်ကမုာ်အဂီၢ်လီၤ.
ယမ့ၢ်မၤလိလံာ်စီဆှံန့ၣ် ပှၤကမၢဆူၣ်ယၤလၢ ယကဘၣ်ကဲထီၣ် ယဟိဝၤပှၤအုၣ်အသးဧါ
တမၢဆူၣ်ဘၣ်. ယဟိဝၤပှၤအုၣ်အသးတဖၣ် သးအိၣ်မၤလိပှၤဂၤ လံာ်စီဆှံ သနာ်က့ တမၢဆူၣ်ပှၤဂၤလၢ ကကဲထီၣ် ယဟိဝၤပှၤအုၣ်အသးဘၣ်. ပသိၣ်လိပှၤဂၤ တၢ်လၢလံာ်စီဆှံသိၣ်လိဝဲတဖၣ် ဒီးပသ့ၣ်ညါလၢ ပှၤတဂၤစုာ်စုာ်န့ၣ် အိၣ်ဒီးတၢ်ခွဲးတၢ်ယာ်လၢ ကဃုထၢဝဲ တၢ်လၢအမၤလိဝဲတဖၣ်န့ၣ် ကနာ်ဝဲဧါ တနာ်ဝဲဧါန့ၣ်လီၤ.—၁ ပ့းတရူး ၃:၁၅.
ယသူ ယနီၢ်ကစၢ် လံာ်စီဆှံသ့ဧါ
သ့. နသူလံာ်စီဆှံ တဘ့ၣ်ဂ့ၤတဘ့ၣ်ဂ့ၤလၢ နဘၣ်သူၣ်ဘၣ်သးအီၤသ့လီၤ. မ့မ့ၢ်ပဝဲန့ၣ် ပအဲၣ်ဒိးသူ ဟီၣ်ခိၣ်သီတၢ်ကွဲးကျိာ်ထံ လံာ်စီဆှံ လၢပနၢ်ပၢၢ်အီၤညီ ဒီးလီၤတံၢ်လီၤဆဲး တဘ့ၣ်အံၤလီၤ. ပသ့ၣ်ညါလၢ ပှၤအါတက့ၢ်န့ၣ် အဲၣ်ဒိးသူဝဲလံာ်စီဆှံလၢ အသူညီနုၢ်ဝဲလီၤ.
ဖဲယမၤလိလံာ်စီဆှံအခါ ယကွဲမုာ်ပှၤဂၤကသ့ဧါ
သ့. နကွဲမုာ် နဟံၣ်ဖိဃီဖိ မ့တမ့ၢ် နတံၤသကိးသ့.
လၢအပူၤကွံာ် ယမ့ၢ်မၤလိလံာ်စီဆှံဒီး ယဟိဝၤပှၤအုၣ်အသးန့ၣ် ခဲအံၤယက့ၤမၤလိကဒီး ကသ့ဧါ
သ့. နကဘၣ်သူၣ်ဘၣ်သး တၢ်မၤလိလံာ်စီဆှံ အတၢ်ရဲၣ်တၢ်ကျဲၤအံၤ မ့ၢ်လၢ ပှၤမၤဂ့ၤထီၣ်တၢ်ဂ့ၢ်တၢ်ကျိၤတဖၣ် ဒ်သိးကကဲထီၣ်တၢ်မၤစၢၤလၢ ပှၤလၢမုၢ်မဆါတနံၤအံၤအဂီၢ်လီၤ. တကးဒံးဘၣ် တၢ်ဂီၤဒီးတၢ်ဂီၤမူတဖၣ် လၢတၢ်မၤလိအဂီၢ်န့ၣ် အိၣ်အါန့ၢ်ဒံး တၢ်မၤလိလံာ်စီဆှံ အတၢ်ရဲၣ်တၢ်ကျဲၤလၢအပူၤကွံာ်တဖၣ်လီၤ.
နအဲၣ်ဒိးမၤလိလံာ်စီဆှံလၢ နနီၢ်ကစၢ် ဒီးတလိၣ်ပှၤသိၣ်လိတၢ်ဘၣ်န့ၣ်ဧါ
နမ့ၢ်အဲၣ်ဒိးန့ၣ် နမၤသ့လီၤ. ပှၤမၤလိတၢ်ဖိအါတက့ၢ်န့ၣ် ဖဲအတူၢ်လိာ်ဝဲ ပှၤသိၣ်လိတၢ်ဖိ အတၢ်မၤစၢၤအခါ ကဲဘျုးလၢအဝဲသ့ၣ်အဂီၢ်အါတစဲး ဘၣ်ဆၣ် ပှၤတနီၤန့ၣ် အဲၣ်ဒိးမၤလိကွၢ်ဝဲလၢ အနီၢ်ကစၢ်လီၤ. တၢ်ပီးတၢ်လီလၢ တၢ်မၤလိလံာ်စီဆှံအဂီၢ် အံၤအိၣ်ဒီး တၢ်ပီးတၢ်လီအဂၤလၢ နဟံးန့ၢ်ကလီအီၤသ့ ဒီးတၢ်ဂ့ၢ်တၢ်ကျိၤအဂၤလၢ ကမၤစၢၤနၤလၢ နကမၤလိလံာ်စီဆှံအဂီၢ်လီၤ. တၢ်ပီးတၢ်လီလၢ ကမၤစၢၤနၤန့ၣ် မ့ၢ်ဝဲ–
လံာ်စီဆှံ တၢ်ဂီၤမူတဖၣ်. တၢ်ဂီၤမူအဖုၣ်တဖၣ်အံၤ ပာ်ဖျါထီၣ်ဝဲ လံာ်စီဆှံအတၢ်သိၣ်လိလၢ အရ့ဒိၣ်တဖၣ်.
တၢ်သံကွၢ်တဖၣ်လၢ အတၢ်စံးဆၢအိၣ်လၢ လံာ်စီဆှံအပူၤ. တၢ်ဂ့ၢ်တဖၣ်အံၤ အိၣ်ဒီးတၢ်စံးဆၢအါမးလၢ ဘၣ်ဃးဒီး တၢ်သံကွၢ်လၢ အတၢ်စံးဆၢအိၣ်လၢ လံာ်စီဆှံအပူၤလီၤ.
တၢ်တဲနၢ်ပၢၢ် လံာ်စီဆှံအဆၢ အခီပညီ. ပာ်ဖျါထီၣ်ဝဲ လံာ်စီဆှံအဆၢလၢ ပှၤဘၣ်သူၣ်ဘၣ်သးအါတဖၣ် ဒီးတၢ်ကတိၤတဖၣ် အခီပညီ.