ယဟိဝၤပှၤအုၣ်အသးတဖၣ် ပာ်ကဲ ပှၤဂၤအတၢ်ဘူၣ်တၢ်ဘါကစီဒီဧါ
ပှၤဂၤအတၢ်စူၢ်တၢ်နာ် မ့ၢ်အိၣ်ဒ်လဲၣ်ဂ့ၤ ပမၤထွဲလံာ်စီဆှံအတၢ်ဟ့ၣ်ကူၣ်လၢ “ယူးယီၣ်ပှၤကညီခဲလၢာ်တက့ၢ်”လီၤ. (၁ ပ့းတရူး ၂:၁၇) အဒိ, ထံကီၢ်တနီၤအပူၤ ယဟိဝၤပှၤအုၣ်အသးတဖၣ် အိၣ်လၢအကလီၢ်လီၤ. ဘၣ်ဆၣ်, ပတဂုာ်ကျဲးစၢးမၢဆူၣ် ပဒိၣ်တဖၣ် မ့တမ့ၢ် ပှၤဒုးအိၣ်ထီၣ်တၢ်သိၣ်တၢ်သီတဖၣ် ကတြီတၢ်ဘူၣ်တၢ်ဘါကရၢအဂၤတဖၣ် အတၢ်ဖံးတၢ်မၤဘၣ်. ပှၤကတူၢ်လိာ် ပသကဲးပဝး ဒီးတၢ်ဘူၣ်တၢ်ဘါတၢ်နာ်တဖၣ်အဂီၢ် ပတမၤဆူၣ်ပဒိၣ်တဖၣ်ဘၣ်. လၢတၢ်န့ၣ်အလီၢ်, ပမၤအါထီၣ် တၢ်ပာ်ကဲပှၤဂၤဒ်ပသးအိၣ်ဒိးန့ၢ်လၢအဝဲသ့ၣ်အအိၣ်အသိးလီၤ.—မးသဲ ၇:၁၂.