တၢ်နးတၢ်ဖှီၣ်လၢပထံၣ်ဘၣ်တဖၣ်န့ၣ် မ့ၢ်ကစၢ်ယွၤ ဒုးအိၣ်ထီၣ်ဝဲဧါ.
လံာ်စီဆှံတဲဝဲဒ်လဲၣ်
လံာ်စီဆှံတဲဝဲလၢ ယဟိဝၤယွၤတဒုးအိၣ်ထီၣ် တၢ်နးတၢ်ဖှီၣ်ဘၣ်. ယဟိဝၤယွၤတတိာ်ပာ်ဝဲလၢ ပှၤဟီၣ်ခိၣ်ဖိကထံၣ်ဘၣ် တၢ်နးတၢ်ဖှီၣ်ဘၣ်. ဘၣ်ဆၣ်ပှၤဟီၣ်ခိၣ်ဖိ အဆိကတၢၢ်ခံဂၤန့ၣ် ထီဒါဝဲကစၢ်ယွၤတၢ်ပၢ ဒီးဃုထၢဝဲလၢ ကဆၢတဲာ်တၢ်ဂ့ၤဒီးတၢ်အၢ လၢအနီၢ်ကစၢ်. အဃိလၢခံန့ၣ် အဝဲသ့ၣ်ထံၣ်ဘၣ်ဒီး တၢ်နးတၢ်ဖှီၣ်တဖၣ်လီၤ.
ခီဖျိလၢအဝဲသ့ၣ် အတၢ်ဆၢတဲာ်ကမၣ်အဃိ မုၢ်မဆါတနံၤအံၤ ပထံၣ်ဘၣ်ဒီး တၢ်နးတၢ်ဖှီၣ်တဖၣ်. ကစၢ်ယွၤတဒုးအိၣ်ထီၣ် တၢ်နးတၢ်ဖှီၣ်တဖၣ်အံၤဘၣ်.
ပှၤတဂၤဂ့ၤတဂၤဂ့ၤ ဃုာ်ဒီးပှၤလၢအဲၣ်ကစၢ်ယွၤတဖၣ် ထံၣ်ဘၣ်ဒီးတၢ်နးတၢ်ဖှီၣ်. လၢတၢ်ဂ့ၢ်အံၤအဃိ လံာ်စီဆှံတဲဝဲလၢ “ဖဲပှၤဘၣ် တၢ်မၤကွၢ်အခါ မ်ပှၤသုတတဲလၢ “ကစၢ်ယွၤမၤကွၢ်ယၤ” န့ၣ်နီတဂၤတဂ့ၤ. ပှၤမၤကွၢ် ကစၢ်ယွၤလၢ တၢ်အၢတၢ်သီတသ့ဘၣ် ဒီးကစၢ်ယွၤ တမၤကွၢ်ပှၤဂၤလၢ တၢ်အၢတၢ်သီနီတဂၤ စ့ၢ်ကီးဘၣ်.” (ယၤကိာ် ၁:၁၃)