၁၁ စီၤမိၤၡ့ အတၢ်သိၣ်တၢ်သီလၢ တၢ်ဟ့ၣ်လီၤ ပှၤအံၣ်စရ့လးဖိန့ၣ် ပၣ်ဃုာ်စ့ၢ်ကီးဒီး တၢ်ရဲၣ်တၢ်ကျဲၤလၢ ပှၤလုၢ်တၢ်ဒိၣ်တဖၣ် ကဘၣ်ဟဲလီၤစၢၤလီၤသွဲၣ်လၢ ပှၤလ့ၤဝံဖိတဖၣ် အအိၣ်န့ၣ်လီၤ. ပှၤလုၢ်တၢ်ဒိၣ်လၢ အဟဲလီၤစၢၤလီၤသွဲၣ်လၢ ပှၤလ့ၤဝံဖိတဖၣ်န့ၣ် ဒုးအိၣ်ထီၣ် တၢ်လၢတၢ်ပှဲၤမ့ၢ်သ့ဒီး မ့ၢ်ပကလိၣ်ဘၣ်ဒံး ပှၤလုၢ်တၢ်ဒိၣ်တဂၤဒ် စီၤမၤလကံစဒ့း အသိးဒံးဧါ. ဒီးပမ့ၢ်အိၣ်ဒီး ပှၤလုၢ်တၢ်ဒိၣ်ဒ် စီၤအၤဟရိၣ်အသိးန့ၣ် တလၢပှဲၤဒံးဘၣ်ဧါ.