တၢ်ဂ့ၢ်အဘျဲၣ်

b ဒဲစီဆှံန့ၣ်ထီဝဲ ၄၃ ပ့ၣ်ဘျဲၣ်ဒီး အဒီၣ်ဃီၤအိၣ်ဝဲ ၁၄ ပ့ၣ်ဘျဲၣ်လီၤ. ပမ့ၢ်တဲယိယိဖိန့ၣ် မ့ၢ်ဝဲဒဲဖးလဲၢ်ဖးထီတဖျၢၣ် လၢဘၣ်တၢ်သူၣ်ထီၣ်အီၤလၢ သ့ၣ်ဘ့ၣ်ဘၣ်တဖၣ်လီၤ. ဘၣ်ဆၣ် ဒဲစီဆှံအံၤန့ၣ် ဘၣ်တၢ်တ့ထီၣ်အီၤဒီး တၢ်ဖိတၢ်လံၤလၢအဂ့ၤကတၢၢ်ဒ်သိးဒီး တၢ်ဖံးလၢအဂ့ၤ, တၢ်ကံးညာ်လၢ ဘၣ်တၢ်ဆးကံၣ်ဆးဘှဲအီၤ ဃံဃံလၤလၤ, ဒီးသ့ၣ်လၢအပှ့ၤဒိၣ်လၢ ဘၣ်တၢ်ပီၤအီၤလၢ စ့မ့တမ့ၢ်ထူန့ၣ်လီၤ. တၢ်သူၣ်ထီၣ်ဒဲစီဆှံ လၢတၢ်လီၢ်ပျီလၢအထီဝဲ ၁၄၆ ပ့ၣ်ဒီးအဒီၣ်ဃီၤအိၣ်ဝဲ ၇၃ ပ့ၣ်လီၤ. ဒီးလၢတၢ်လီၢ်ပျီအံၤအပူၤ တၢ်လုၢ်လီၢ်အိၣ်ဝဲစ့ၢ်ကီးလီၤ. လၢခံန့ၣ် ဖျါလၢပှၤတ့ထီၣ်ဝဲဒၢးတဖၣ် လၢဒဲစီဆှံအကပိာ်ကပၤ လၢပှၤလုၢ်တၢ်အဒိၣ်တဖၣ်အဂီၢ်လီၤ. လီၤဂာ်လၢ စီၤၡမူၤအ့လးန့ၣ် ကမံဝဲလၢဒၢးသ့ၣ်တဖၣ်အံၤအကျါ တဖျၢၣ်ဖျၢၣ်အပူၤလီၤ.