တၢ်ဂ့ၢ်အဘျဲၣ်

c အဝဲသ့ၣ်ပာ်ဖျါထီၣ် တၢ်တပာ်ကဲကစၢ်ယွၤအတၢ်ရဲၣ်တၢ်ကျဲၤ လၢအမ့ၢ်တၢ်လုၢ်ထီၣ်တၢ်န့ၣ် လၢကျဲဒ်လဲၣ်. တၢတမံၤန့ၣ် စီၤမိၤၡ့အတၢ်သိၣ်တၢ်သီ ပာ်ဖျါထီၣ်ဝဲလၢ ဖဲတၢ်လုၢ်ထီၣ်ဆၣ်ဖိကီၢ်ဖိအခါပှၤကဘၣ်ဟ့ၣ်လီၤ ပှၤလုၢ်တၢ်အဒိၣ်လၢ ဆၣ်ဖိကီၢ်ဖိအဖံဘၣ်ခိၣ်, အခၣ်ဃံဒီးအကဖုလၢ ကအီၣ်ဝဲအဂီၢ်န့ၣ်လီၤ. (၅ မိၤ. ၁၈:၃) ဘၣ်ဆၣ်လၢဒဲစီဆှံန့ၣ် ပှၤလုၢ်တၢ်အဒိၣ်လၢအအၢအသီတဖၣ်အံၤ တဒိကနၣ်ဝဲတၢ်မၤလိာ်အံၤဘၣ် ဒီးဒုးအိၣ်ထီၣ်ဝဲလုၢ်လၢ်လၢအသီတခါလီၤ. ဖဲပှၤချီတၢ်ညၣ်လၢသပၢၤပူၤအခါ အဝဲသ့ၣ်မၢဝဲအပှၤမၤစၢၤတၢ်တဖၣ် လဲၤဆဲးလီၤနီၣ်ကွးဖးဒိၣ်တဘ့ၣ် လၢသပၢၤအပူၤ ဒီးဟံးန့ၢ်ဝဲတၢ်ညၣ်အဂ့ၤလၢ အဆဲးဘၣ်ဝဲတလိၣ်လိၣ်န့ၣ်လီၤ. ခံမံၤတမံၤန့ၣ် ပှၤလုၢ်တၢ်အဒိၣ်လၢ အအၢအသီသ့ၣ်တဖၣ်အံၤ မၢဝဲအပှၤမၤစၢၤတၢ် လဲၤတဲပျံၤတဲဖုး ပှၤလၢအဟဲစိာ်တၢ်ညၣ်လၢ တၢ်ကဆိၣ်ကဲၤထီၣ်ကွံာ်အီၤလၢ တၢ်လုၢ်လီၢ်န့ၣ်လီၤ. ဒီးတချုးလၢ ပှၤဆိၣ်ကဲၤထီၣ်ကွံာ် တၢ်ညၣ်အသိဆူယဟိဝၤယွၤအအိၣ်န့ၣ် ပှၤမၤစၢၤတၢ်တဂၤအံၤ မၢဆူၣ်ဝဲပှၤလၢအဟဲစိာ်တၢ်ညၣ်လၢ ကဟ့ၣ်အီၤတၢ်ညၣ်သံသိလီၤ.—၃ မိၤ. ၃:၃-၅; ၁ မူၤ. ၂:၁၃-၁၇.