တၢ်ဂ့ၢ်အဘျဲၣ်
a ဒ်သိးဟံၣ်ဖိဃီဖိတဒူၣ် ကအိၣ်ဒီးတၢ်သးခုအဂီၢ် ဟံၣ်ဖိဃီဖိတဂၤစုာ်စုာ် ကဘၣ်သ့ၣ်ညါဝဲလၢ အကဘၣ်မၤတၢ်မနုၤလဲၣ် ဒီးကဘၣ်မၤစၢၤတၢ် ဒ်လဲၣ်န့ၣ်လီၤ. ပၢ်န့ၣ်ကဘၣ်တီခိၣ်ရိၤမဲတၢ်လၢ တၢ်အဲၣ်တၢ်ကွံအပူၤ ဒီးမိၢ်န့ၣ်ကဆီၣ်ထွဲမၤစၢၤအီၤလီၤ. မ့မ့ၢ်ဖိတဖၣ်န့ၣ် ကဒိကနၣ်မၤထွဲ အမိၢ်ပၢ်အကလုၢ်လီၤ. ဒ်န့ၣ်အသိး ယဟိဝၤယွၤအဟံၣ်ဖိဃီဖိစ့ၢ်ကီး ကဘၣ်မၤဝဲဒ်န့ၣ်လီၤ. ယဟိဝၤယွၤပာ်လီၤန့ၢ်ပှၤတၢ်လၢ ပကဘၣ်မၤအီၤလီၤ. ပမ့ၢ်မၤထွဲတၢ်လၢ ယဟိဝၤယွၤအဲၣ်ဒိးလၢ ပမၤအီၤန့ၣ် ပကကဲထီၣ်ဘၣ် အဟံၣ်ဖိဃီဖိဒီး ဘူၣ်ထီၣ်ဘါထီၣ်ဘၣ်အီၤ လီၤထူလီၤယိာ်လီၤ.