တၢ်ဂ့ၢ်အဘျဲၣ်
a မ့ၢ်နထံၣ်ဘၣ်ပှၤတဂၤဂၤလၢ အမၤတ့ၢ်ယဟိဝၤယွၤအတၢ်မၤ ဖးယံာ် တဲဝဲလၢ ‘ယတဆိကမိၣ်လၢ ဟီၣ်ခိၣ်လၢမုၣ်ကီၤလံၢ်ပၢဝဲအံၤ ကအိၣ်ယံာ်ထဲအံၤညါဘၣ်.’ ပအဲၣ်ဒိးလၢ ယဟိဝၤယွၤကမၤလီၤမၢ်ကွံာ် တၢ်အၢတၢ်သီလၢ ပထံၣ်ဘၣ်အီၤတဖၣ်အံၤ သပှၢ်ကတၢၢ်လီၤ. ဘၣ်ဆၣ် ဒ်သိးတၢ်သ့ၣ်တဖၣ်အံၤ ကကဲထီၣ်သးအဂီၢ် ပကဘၣ်အိၣ်ဒီး တၢ်ဝံသးစူၤလီၤ. လၢတၢ်မၤလိအံၤအပူၤ ပကထံၣ်ဘၣ် လံာ်စီဆှံ အတၢ်ဟံးစုနဲၣ်ကျဲတနီၤလၢ ကမၤစၢၤပှၤဒ်သိး ပကအိၣ်ခိးတၢ်လၢ တၢ်ဝံသးစူၤအပူၤလီၤ. ပကတဲသကိး တၢ်အိၣ်သးခံခါလၢ ဘၣ်မနုၤအဃိ ပဘၣ်အိၣ်ခိး ယဟိဝၤယွၤလၢ တၢ်ဝံသးစူၤအပူၤလဲၣ်. လီၢ်ခံကတၢၢ် ပကတဲသကိး ပှၤလၢအအိၣ်ခိး ယဟိဝၤယွၤလၢ တၢ်ဝံသးစူၤအပူၤန့ၣ် ကဒိးန့ၢ်ဘၣ် တၢ်ဆိၣ်ဂ့ၤဒ်လဲၣ်န့ၣ်လီၤ.