^၁၂ လီၤသးအုးဒိၣ်မးလၢ စီၤဃံးစကံယၤ အတၢ်ပာ်ထီၣ်ထီသး အိၣ်ထီၣ်ဝဲလီၤ. လၢတၢ်န့ၣ်အဃိ အဝဲ “တဟ့ၣ်ကၣ်ဘၣ်တၢ်ဒ် တၢ်ဘျုးတၢ်ဖှိၣ် လၢအဘၣ်အီၤအသိးန့ၣ်ဘၣ်.” ဘၣ်မနုၤအဃိ အဝဲအတၢ်ပာ်သူၣ်ပာ်သး ဆီတလဲလဲၣ်န့ၣ် လံာ်စီဆှံတပာ်ဖျါဝဲဒၣ်ဘၣ်. ဘၣ်သ့ၣ်သ့ၣ် ကမ့ၢ်လၢအဝဲ ဒုးနၢၤဝဲပှၤအၤၡူၢ်ဖိအဃိ မ့တမ့ၢ် ခီဖျိလၢ ယဟိဝၤယွၤမၤဘျါကွံာ် အတၢ်ဆါအဃိလီၤ. မ့တမ့ၢ် ခီဖျိလၢအဝဲထူးထီၣ်တီၤထီၣ် ဒီးအမံၤဟူသၣ်ဖျါထီၣ်အဃိလီၤ. စီၤဃံးစကံယၤ မၤယွၤအတၢ်မၤလၢ သူၣ်ဒီဖျၢၣ်သးဒီဖျၢၣ် သနာ်က့ အတၢ်ပာ်ထီၣ်ထီသးအိၣ်ထီၣ်အဃိ ယဟိဝၤယွၤတဘၣ်သးဝဲဘၣ်. ဘၣ်ဆၣ်လၢခံ “စီၤဃံးစကံယၤဆီၣ်လီၤအသး” အဃိ ကစၢ်ယွၤပျၢ်ကွံာ်အတၢ်ကမၣ်လီၤ.—၂ ကွဲးနီၣ်တၢ် ၃၂:၂၅-၂၇; စံးထီၣ်ပတြၢၤ ၁၃၈:၆.

^၁၄ ထီဘိန့ၣ် ပကြၢးသ့ၣ်နီၣ်ထီၣ် ယ့ၣ်ၡူးအတၢ်ကတိၤလၢ– “ဒ်တၢ်မၤလိာ်သုအသိးန့ၣ်, သုမၤခဲလၢာ်ဝံၤဒီး, စံးသုဝဲလၢ– ‘ယမ့ၢ်တၢ်အခ့အပှၤလၢ အတဂိာ်တသီၣ်ဘၣ်တၢ်လီၤ. အဂ့ၢ်ဒ်အံၤ, တၢ်လၢပမၤလံန့ၣ် မ့ၢ်တၢ်လၢပကြၢး မၤန့ၣ်လီၤ.’” (လူၤကၣ် ၁၇:၁၀) သ့ၣ်နီၣ်ထီၣ်ဖဲ စီၤဃံးစကံယၤ အတၢ်ပာ်ထီၣ်ထီသးအိၣ်ထီၣ်အခါ အဝဲသးပ့ၤနီၣ်ကွံာ်ဝဲ တၢ်လၢယဟိဝၤယွၤ မၤစၢၤတ့ၢ်အီၤတဖၣ်န့ၣ်လီၤ. ဖဲပဟ့ၣ်တၢ်စံၣ်တဲၤတဲလီၤတၢ်ဝံၤအခါ ပှၤဂၤမ့ၢ်စံးပတြၢၤပှၤန့ၣ် ဒ်သိးပကအိၣ်ဒီး တၢ်ဆီၣ်လီၤသးအဂီၢ် တၢ်မနုၤကမၤစၢၤပှၤလဲၣ်. ပကဆိကမိၣ်ထံက့ၤတၢ်လၢ ယဟိဝၤယွၤ မၤစၢၤတ့ၢ်ပှၤတဖၣ်လီၤ. ဝံၤဒီးပကတဲဘၣ်ပှၤဂၤလၢ ယဟိဝၤယွၤအဂ့ၢ်ဒီး တၢ်လၢ အဝဲမၤစၢၤတ့ၢ်ပှၤတဖၣ် အဂ့ၢ်န့ၣ်လီၤ. နီၢ်နီၢ်န့ၣ် ယဟိဝၤယွၤ ဟ့ၣ်ပှၤအကလုၢ်ကထါ လံာ်စီဆှံဒီးအသးစီဆှံ ဒ်သိးပဟ့ၣ်တၢ်စံၣ်တဲၤတဲလီၤ ကကဲထီၣ်လိၣ်ထီၣ်အဂီၢ်လီၤ.