၆. လံာ်တဘ့ၣ်လၢ ပှၤကိးဂၤဒဲးအဂီၢ်

လံာ်စီဆှံ မ့ၢ်လံာ်တဘ့ၣ်လၢ ပှၤကွဲးကျိာ်ထံအီၤ ဒီးထုးထီၣ်ရၤလီၤအီၤ အါကတၢၢ်လီၤ. ဖး မၤတၢ် ၁၀:​၃၄, ၃၅ ဝံၤဒီး တဲသကိး တၢ်သံကွၢ် လၢလာ်တဖၣ်အံၤ–

• ဘၣ်မနုၤအဃိ ကစၢ်ယွၤ အဲၣ်ဒိးဝဲလၢ ပှၤကကွဲးကျိာ်ထံ ဒီးထုးထီၣ်ရၤလီၤ အကလုၢ်ကထါ လံာ်စီဆှံ အါကတၢၢ်လဲၣ်.

• လၢတၢ်မၤလိအံၤအပူၤ ဘၣ်ဃးဒီး လံာ်စီဆှံန့ၣ် တၢ်ဂ့ၢ်လၢ နဘၣ်သူၣ်ဘၣ်သး အဒိၣ်ကတၢၢ်န့ၣ် မ့ၢ်မနုၤလဲၣ်.

၄. မၤလီၤမၢ်ကွံာ် တၢ်ပာ်သူၣ်ပာ်သး လၢအမ့ၢ် တၢ်ကွၢ်ဒိၣ်ဆံးအါစှၤပှၤဂၤ

ပအဲၣ်ဒိး ပာ်ဖျါထီၣ် တၢ်အဲၣ်လၢ ပဒီပုၢ်ဝဲၢ် ကိးဂၤဒဲး အဖီခိၣ်. ဘၣ်ဆၣ် ပှၤတဂၤအတၢ်အိၣ်သး မ့ၢ်တဒ်သိးဒီးပှၤဘၣ်န့ၣ် ပကတူၢ်လိာ်အီၤ ဒီးအဲၣ်အီၤအဂီၢ် ဘၣ်သ့ၣ်သ့ၣ် ကကီဝဲလၢပဂီၢ်. ဘၣ်ဆၣ် တၢ်မနုၤ ကမၤစၢၤပှၤလဲၣ်. ဖး မၤတၢ် ၁၀:​၃၄, ၃၅ ဝံၤဒီး တဲသကိး တၢ်သံကွၢ် လၢလာ်တဖၣ်အံၤ–

• ယဟိဝၤယွၤ တူၢ်လိာ်ဝဲလၢ ပှၤကိးကလုာ်ဒဲး ကကဲထီၣ် အပှၤအုၣ်အသးတဖၣ်. ဖဲနရ့ဒီး ပှၤလၢအတၢ်အိၣ်သး လီၤဆီဒီးနၤတဖၣ်အခါ နကွၢ်လိ ယဟိဝၤယွၤ ကသ့ဒ်လဲၣ်.

• လၢနအိၣ်တၢ်လီၢ်န့ၣ် အါတက့ၢ် ပှၤထံၣ်ဆံး ပှၤဒ်လဲၣ်တဖၣ်လဲၣ်. ဘၣ်မနုၤအဃိ နအဲၣ်ဒိးဟးဆှဲး တၢ်ပာ်သူၣ်ပာ်သးဒ်အံၤလဲၣ်.

ဖး ၂ ကရံၣ်သူး ၆:​၁၁-၁၃ ဝံၤဒီး တဲသကိး တၢ်သံကွၢ် လၢလာ်တဖျၢၣ်အံၤ–

• နဒီပုၢ်ဝဲၢ်လၢ အတၢ်အိၣ်သး လီၤဆီဒီးနၤတဖၣ်န့ၣ် နမၤအါထီၣ် နတၢ်အဲၣ်လၢ အဝဲသ့ၣ် အဖီခိၣ်ကသ့ဒ်လဲၣ်.