၂. ဘၣ်ဃးဒီး ကျိၣ်စ့န့ၣ် လံာ်စီဆှံတဲဝဲဒ်လဲၣ်.

လံာ်စီဆှံ တဲဝဲလၢ “ကျိၣ်စ့ မ့ၢ်တၢ်ဒီသဒၢ.” ဘၣ်ဆၣ် လံာ်စီဆှံ တဲစ့ၢ်ကီးပှၤလၢ ကျိၣ်စ့န့ၣ် တမ့ၢ်တၢ်လၢ အမၤသးခုပသး အနီၢ်ကီၢ်ဘၣ်. (စံၣ်တဲၤတဲလီၤတၢ် ၇:၁၂) အဃိ လံာ်စီဆှံ ဟ့ၣ်ပလီၢ်ပှၤလၢ ပတဘၣ်အဲၣ် ကျိၣ်စ့ဘၣ် ဒီးပကဘၣ် ‘သးမံဒီးတၢ်လၢ အအိၣ်ဒီးပှၤခဲအံၤ.’ (ဖး ဧ့ၤဘြံၤ ၁၃:၅.) ပမ့ၢ်သးမံဒီး တၢ်လၢအအိၣ်ဒီးပှၤန့ၣ် ပတလီကီအါထီၣ်တၢ်လၢၤဘၣ်. ဒီးအကမၤစၢၤပှၤ ဒ်သိး ပတဟးမၤထီၣ်နါစိၤကမၢ်ဘၣ်. (ကတိၤဒိ ၂၂:၇) တကးဒံးဘၣ် အကမၤစၢၤပှၤဒ်သိးဒီး ပကဟးဆှဲး တၢ်တၤကျိၣ်တၤစ့ ဒီးတၢ်ဖံးအီၣ်မၤအီၣ်လၢ အလီၤဘၣ်ယိၣ် ဒ်သိးပကန့ၢ်ဘၣ်စ့ဒီဒူၣ် ဒီးန့ၢ်ဘၣ်စ့ချ့ချ့.

၅. ပမ့ၢ်သးမံဒီး တၢ်လၢအအိၣ်ဒီးပှၤန့ၣ် ကကဲဘျုးလၢပဂီၢ်

ပှၤအါဂၤန့ၣ် ဒ်သိးအဝဲသ့ၣ်ကန့ၢ်ဘၣ် ကျိၣ်စ့ဒီဒူၣ်အဂီၢ် အဝဲသ့ၣ် မၤတၢ်ဆူၣ်မး. ဘၣ်ဆၣ် လံာ်စီဆှံဟ့ၣ်ပှၤ တၢ်ဟ့ၣ်ကူၣ် လၢအဂၤတမံၤ. ဖး ၁ တံၤမသ့း ၆:​၆-၈ ဝံၤဒီး တဲသကိး တၢ်သံကွၢ် လၢလာ်တဖျၢၣ်အံၤ–

• လံာ်စီဆှံ ဟ့ၣ်ဂံၢ်ဟ့ၣ်ဘါပှၤ ဒ်လဲၣ်.

တၢ်ဂီၤမူ– “သးမံဒီး တၢ်လၢအအိၣ်ဒီးပှၤခဲအံၤ” (၃:၂၀)

• ဟံၣ်ဖိဃီဖိ ခံဒူၣ်အံၤ အကျိၣ်အစ့ တအိၣ်အါအါဘၣ် သနာ်က့ ဘၣ်မနုၤအဃိ အဝဲသ့ၣ် သးခုလဲၣ်.

ပကျိၣ်စ့ မ့ၢ်အိၣ်လံ သနာ်က့ ပမ့ၢ်အဲၣ်ဒိး လီကီအါထီၣ်ဒံးမီၤ. ယ့ၣ်ၡူးတဲဘၣ်ပှၤ တၢ်အဒိတခါလၢ အပာ်ဖျါထီၣ်ဝဲလၢ ပမ့ၢ်အိၣ်ဒီး တၢ်ပာ်သူၣ်ပာ်သးဒ်အံၤန့ၣ် အကဲဝဲ တၢ်လၢအလီၤဘၣ်ယိၣ်. ဖး လူၤကၣ် ၁၂:​၁၅-၂၁ ဝံၤဒီး တဲသကိး တၢ်သံကွၢ် လၢလာ်တဖျၢၣ်အံၤ–

• တၢ်အဒိလၢ ယ့ၣ်ၡူးတဲဝဲတခါအံၤန့ၣ် နမၤလိဘၣ်မနုၤလဲၣ်.​—ကွၢ် အဆၢဖိ ၁၅.

ဖးဒီးထိၣ်သတြီၤ ကတိၤဒိ ၁၀:၂၂ ဒီး ၁ တံၤမသ့း ၆:၁၀. ဝံၤဒီး တဲသကိး တၢ်သံကွၢ် လၢလာ်တဖၣ်အံၤ–

• ပအိၣ်ဒီးတၢ်ရ့လိာ်သးဒီး ယဟိဝၤယွၤလၢအဂ့ၤ မ့တမ့ၢ် ပအိၣ်ဒီးကျိၣ်စ့ဒီဒူၣ်န့ၣ် နဆိကမိၣ် အရ့ဒိၣ်ဖဲလဲၣ်တခါလဲၣ်. ဘၣ်မနုၤအဃိ နဆိကမိၣ်ဒ်န့ၣ်လဲၣ်.

• ပမ့ၢ်ဃုထဲ ကျိၣ်စ့န့ၣ် ပကထံၣ်ဘၣ် တၢ်ကီတၢ်ခဲ မနုၤလဲၣ်.