သ့ၣ်နီၣ်ထီၣ်က့ၤ တၢ်လၢယဟိဝၤယွၤမၤတၢ်တဖၣ်တက့ၢ်

တၢ်ဆိကမိၣ်ထံတၢ်လၢယဟိဝၤယွၤ မၤတ့ၢ်ဝဲတဖၣ်န့ၣ် မ့ၢ်တၢ်လၢအရ့ဒိၣ်

၇၄:၁၆; ၇၇:၆, ၁၁, ၁၂

• ဖဲပဖးလံာ်စီဆှံအခါ ပမ့ၢ်ဟံးန့ၢ်တၢ်ဆၢကတီၢ်လၢ ပကဆိကမိၣ်ထံက့ၤအီၤန့ၣ် ကကဲထီၣ်တၢ်မၤစၢၤဒ်သိး ပတိၢ်နီၣ်တၢ်ဂ့ၢ်တဖၣ် ဒီးပာ်လုၢ်ပာ်ပှ့ၤ နီၢ်သးတၢ်အီၣ်တၢ်အီကန့ၢ်အဂီၢ်လီၤ

• ပမ့ၢ်ဆိကမိၣ်က့ၤ ယဟိဝၤယွၤအဂ့ၢ်အကျိၤထံထံဆးဆးန့ၣ် ကကဲထီၣ်တၢ်မၤစၢၤ ဒ်သိးပကသ့ၣ်နီၣ်ထီၣ်က့ၤ ကစၢ်ယွၤအတၢ်မၤလၢအ လီၤလိၢ်လီၤလးတဖၣ်ဒီး တၢ်မုၢ်လၢ်လၢ အဟ့ၣ်လီၤပှၤလီၤ

ယဟိဝၤယွၤအတၢ်မၤန့ၣ် ပၣ်ဃုာ်ဒီးတၢ်လၢလာ်တဖၣ်အံၤ–

၇၄:၁၆, ၁၇; ၇၅:၆, ၇; ၇၈:၁၁–၁၇

• တၢ်ဘၣ်တ့တဖၣ်

  ဒ်ပမ့ၢ်သ့ၣ်ညါအါထီၣ် တၢ်ဘၣ်တ့အဂ့ၢ်အသိး ပတၢ်ယူးယီၣ်ပာ်ကဲ ယဟိဝၤယွၤကအါထီၣ်ဝဲလီၤ

• ပှၤလၢအဘၣ်မူဘၣ်ဒါလၢ တၢ်အိၣ်ဖှိၣ်အပူၤ

  ပကြၢးဒိကနၣ် ပှၤလၢယဟိဝၤယွၤ ဟ့ၣ်လီၤမူဒါလၢ ကတီခိၣ်ရိၤမဲပှၤ

• တၢ်လၢယဟိဝၤယွၤမၤဝဲ ဒ်သိးပှၤကန့ၢ်တၢ်အုၣ်က့ၤခီၣ်က့ၤ

  ပမ့ၢ်သ့ၣ်နီၣ်ထီၣ်က့ၤ တၢ်လၢယဟိဝၤယွၤမၤဝဲ ဒ်သိးပှၤကန့ၢ်တၢ်အုၣ်က့ၤခီၣ်က့ၤန့ၣ် ကမၤဂၢၢ်ကျၢၤထီၣ် ပတၢ်နာ်ဒီး ကအံးထွဲကွၢ်ထွဲ အပှၤဂီၢ်မုၢ်န့ၣ်လီၤ