တၢ်မၤဂ့ၤထီၣ်ပတၢ်သ့တၢ်ဘၣ်လၢ တၢ်သးခုကစီၣ်တၢ်မၤအပူၤ—သူတၢ်သံကွၢ် ဂ့ၤဂ့ၤဘၣ်ဘၣ်

ဘၣ်မနုၤအဃိအရ့ဒိၣ်လဲၣ်– ‘တၢ်ကူၣ်ထီၣ်ဖးလီၤလၢပှၤကညီအသးကံၢ်ပူၤ မ့မ့ၢ်ထံယိာ်’ န့ၣ်​ တၢ်သံကွၢ်လီၤဂာ်ဒ်သိးဒီး ထံစဲၤလၢအထုးထီၣ်ထံလီၤ. (ကတိၤ. ၂၀:၅) တၢ်သံကွၢ်န့ၣ်​ ကကဲထီၣ်တၢ်မၤစၢၤလၢ ပှၤဒိကနၣ်တၢ်တဖၣ်​ ကတဲသကိးတၢ်ဒီးပှၤအဂီၢ်လီၤ. ပမ့ၢ်ဃုထၢ တၢ်သံကွၢ်ဂ့ၤဂ့ၤဘၣ်ဘၣ်န့ၣ်​ ပကဒိးန့ၢ်ဘၣ်​ တၢ်စံးဆၢလၢ အဒုးသ့ၣ်ညါပှၤလၢ အဝဲသ့ၣ်အတၢ်ထံၣ်လီၤ. ယ့ၣ်ၡူးသူဝဲတၢ်သံကွၢ် ဂ့ၤဂ့ၤဘၣ်ဘၣ်လီၤ. ပကွၢ်လိမၤဒိးအီၤ ကသ့ဒ်လဲၣ်.

ပမၤကသ့ဒ်လဲၣ်–

• သံကွၢ်အဝဲသ့ၣ်အတၢ်ထံၣ်. ယ့ၣ်ၡူးသံကွၢ်ဝဲ အပျဲၢ်အဘီၣ်တဖၣ်​ တၢ်သံကွၢ် ဒ်သိးကသ့ၣ်ညါဘၣ်ဝဲလၢ အဝဲသ့ၣ်အတၢ်ထံၣ်​ အိၣ်ဝဲဒ်လဲၣ်န့ၣ်လီၤ. (မး. ၁၆:၁၃-၁၆; be 238 ¶3-5) ဒ်သိးနကသ့ၣ်ညါ ပှၤဂၤအတၢ်ထံၣ်အဂီၢ် နသံကွၢ်တၢ်သံကွၢ်မနုၤတဖၣ်လဲၣ်.

• တၢ်သံကွၢ်လၢ အမၤစၢၤပှၤ ဒ်သိးအဝဲသ့ၣ်​ နီၤဖးတၢ်ကဘၣ်အဂီၢ်. ဒ်သိးယ့ၣ်ၡူးကဘှီဘၣ်စီၤပ့းတရူး အတၢ်ဆိကမိၣ်အဂီၢ် အဝဲသံကွၢ်ဝဲစီၤပ့းတရူး တၢ်သံကွၢ် ဒီးထိၣ်လိၤထိၣ်ဃီၤန့ၢ်အီၤ ဒ်သိးကသ့ၣ်ညါထီၣ်ဝဲ တၢ်စံးဆၢလၢအဘၣ်အဂီၢ်လီၤ. (မး. ၁၇:၂၄-၂၆) ဒ်သိးပှၤနီၤဖး တၢ်စံးဆၢလၢအဘၣ်ကသ့အဂီၢ် နသံကွၢ်တၢ်သံကွၢ်မနုၤတဖၣ်သ့လဲၣ်.

• ပတြၢၤ နပှၤဒိကနၣ်တၢ်ဖိ. ဖဲပှၤတဂၤ ‘စံးဆၢတၢ်လၢ တၢ်သူၣ်ဆးသးဆး’ ပူၤအခါ ယ့ၣ်ၡူးပတြၢၤအီၤလီၤ. (မၢ်. ၁၂:၃၄) ဖဲပှၤတဂၤစံးဆၢ နတၢ်သံကွၢ်အခါ နကပတြၢၤအီၤဒ်လဲၣ်.

ကွၢ်တၢ်ဂီၤမူ မၤတၢ်မၤလၢ ယ့ၣ်ၡူးမၤတ့ၢ်ဝဲန့ၣ်တက့ၢ်—သိၣ်လိတၢ်တက့ၢ် တၢတကူာ် ဒီးစံးဆၢတၢ်သံကွၢ်လၢလာ်အံၤ–

• ဒီပုၢ်ဝဲၢ်တဂၤအံၤ တဲပၠးဝဲ တၢ်ဂ့ၢ်တၢ်ကျိၤလီၤတံၢ်လီၤဆဲးသနာ်က့ ဘၣ်မနုၤအဃိတၢ်အဒိအံၤ တကဲဘျုးဘၣ်လဲၣ်.

• ထဲပၡဲပၠးပှၤတၢ်ဂ့ၢ်န့ၣ်​ ဘၣ်မနုၤအဃိ တလၢပှဲၤဒံးဘၣ်လဲၣ်.

ကွၢ်တၢ်ဂီၤမူ မၤတၢ်မၤလၢ ယ့ၣ်ၡူးမၤတ့ၢ်ဝဲန့ၣ်တက့ၢ်—သိၣ်လိတၢ်တက့ၢ် ခံကူာ်တကူာ် ဒီးစံးဆၢတၢ်သံကွၢ်လၢလာ်အံၤ–

• ဒီပုၢ်ဝဲၢ်တဂၤအံၤ သူဝဲတၢ်သံကွၢ် ဂ့ၤဂ့ၤဘၣ်ဘၣ်လၢကျဲဒ်လဲၣ်.

• ပကွၢ်လိမၤဒိး အဝဲအတၢ်သိၣ်လိ အကျိၤအကျဲလၢအဂၤ ကသ့ဒ်လဲၣ်.