တၢ်သးဝံၣ် ၉၆
ယွၤအကလုၢ်ကထါ—လံာ်လၢအလုၢ်ဒိၣ်ပှ့ၤဒိၣ်
၁. လံာ်အိၣ်တဘ့ၣ်လၢ အကဘျံးအိၣ်အါမး,
ဒုးအိၣ်ထီၣ်တၢ်သးခု ဒီးတၢ်မုၢ်လၢ်,
လံာ်တဘ့ၣ်အံၤ အိၣ်ဒီးအစိအကမီၤ
မၤမူထီၣ် “ပှၤသံ” မဲာ်ဘျီၣ်ကပီၤထီၣ်.
လံာ်လုၢ်ပှ့ၤဒိၣ်အံၤ မ့ၢ်ယွၤကလုၢ်ကထါ.
ယွၤမၢပှၤပိာ်ခွါတနီၤကွဲးဝဲဒၣ်,
အသးစီဆှံ ထိးဘၣ်ပှၤလၢအအဲၣ်အီၤ
ဒ်သိးကကွဲးအိၣ်ထီၣ်လံာ်စီဆှံဂီၢ်.
၂. ကွဲးလီၤတၢ်ဘၣ်တ့တဖၣ်အဂ့ၢ်တီတီ
ခီဖျိယွၤတၢ်စိကမီၤဃိကဲထီၣ်.
ယွၤတ့လီၤဝဲ ပှၤကညီလၢဝဲပှဲၤဝဲ,
ဘၣ်ဆၣ်ပၤရဒံစူးလီၤမၢ်ကွံာ်ဝဲ.
ကွဲးဖျါထီၣ်စ့ၢ်ကီးမူခိၣ်ကလူးတဂၤ
ထီဒါဝဲတၢ်ပၢကစၢ်ယဟိဝၤ
အဃိပှၤဟီၣ်ခိၣ်ဖိဒိးန့ၢ်တၢ်ဒဲးဘး
ဘၣ်ဆၣ်တယံာ်ဘၣ် ယွၤကမၤနၢၤတၢ်.
၃. မ့ၢ်လၢယဟိဝၤ ပာ်ထီၣ်န့ၢ်ပှၤစီၤပၤ
ဆၢကတီၢ်ဘၣ်လၢ ပကသးခုဘၣ်.
ပစံၣ်တဲၤတဲလီၤဘီမုၢ်အတၢ်ကစီၣ်
တၢ်ဆိၣ်ဂ့ၤလၢပကဒိးန့ၢ်ဘၣ်အီၤ.
တၢ်သးခုကစီၣ်အံၤ လံာ်စီဆှံပာ်ဖျါ
ပှၤကိးဂၤဒဲးကဒိးန့ၢ်တၢ်မုၢ်လၢ်
တၢ်သူၣ်မံသးမုာ်အါန့ၢ်ပဆိမိၣ်ပာ်,
ကြၢးပဖးလံာ်လုၢ်ပှ့ၤဒိၣ်အံၤကိးဂၤ.
(ကွၢ်စ့ၢ်ကီး ၂ တံၤ. ၃:၁၆; ၂ ပ့း. ၁:၂၁ တက့ၢ်.)