“ပှၤဟီၣ်ခိၣ်ဖိအိၣ်ဒီး ကျိာ်တမံၤဃီ”

၁၁:၁-၄, ၆-၉

လၢဘၤဘ့းလးန့ၣ်​ ယဟိဝၤယွၤ မၤလီၤပြံလီၤပြါ ပှၤလၢတအိၣ်ဒီးတၢ်ဒိကနၣ်တဖၣ်​ ခီဖျိ မၤသဘံၣ်ဘုၣ်အဝဲသ့ၣ်အကျိာ်လီၤ. မုၢ်မဆါတနံၤအံၤ အဝဲပာ်ဖှိၣ်ထီၣ်ဝဲ ပှၤဂီၢ်မုၢ်ဖးဒိၣ်လၢ အဟဲလၢပှၤကိးကလုာ်ဒဲးအကျါ ဒီးဟ့ၣ်အဝဲသ့ၣ်​ “ကျိာ်စီ” ဒ်သိး “ကကိးထီၣ်ယွၤအမံၤ ဒီးဒ်သိးအကမၤအတၢ်လၢ အသးတဖျၢၣ်ဃီလီၤ.” (ဖါ. ၃:၉; လီၣ်. ၇:၉) “ကျိာ်စီ” အံၤမ့ၢ်တၢ်မ့ၢ်တၢ်တီ ဘၣ်ဃးဒီး ယဟိဝၤယွၤ ဒီးအတၢ်တိာ်ပာ်လၢ ပထံၣ်ဘၣ်လၢ လံာ်စီဆှံပူၤတဖၣ်လီၤ.

ပမ့ၢ်မၤလိ ကျိာ်အသီန့ၣ်​ ပကဘၣ်မၤအါန့ၢ် ပတိၢ်ရူးတၢ်ကတိၤအသီတဖၣ်လီၤ. ဒီးပဘၣ်မၤလိတၢ်ဆိကမိၣ်အသီ ဒီးတၢ်ထံၣ်အသီလီၤ. ဒ်န့ၣ်အသိး ဖဲပမၤလိ ကျိာ်စီ လၢအမ့ၢ်တၢ်မ့ၢ်တၢ်တီအခါ ပတၢ်ဆိကမိၣ်​ ဒီးပတၢ်ပာ်သူၣ်ပာ်သးတဖၣ်​ ဆီတလဲဝဲလီၤ. (ရိ. ၁၂:၂) လၢတၢ်န့ၣ်အဃိ ကစၢ်ယွၤ အပှၤဂီၢ်မုၢ်တဖၣ်​ ဆဲးအိၣ်ဒီးတၢ်ဃူတၢ်ဖိးလီၤ.—၁ ကရံၣ်. ၁:၁၀.