တဲဖျါထီၣ်တၢ်ဂ့ၢ်လၢ အဘၣ်ထွဲဒီးလံာ်စီဆှံအဆၢတက့ၢ်

မးသဲ ၂၂:၄၁-၄၅

ဘၣ်မၤဒ်လဲၣ်– တချုးလၢ နဖးလံာ်စီဆှံဒံးဘၣ်န့ၣ်​ တဲဖျါထီၣ်တၢ်ဂ့ၢ်လၢ အဘၣ်ထွဲဒီးလံာ်စီဆှံတဆၢလၢ နကဖးန့ၣ်တက့ၢ်.

မၤဒ်အံၤတက့ၢ်–

• ဆိကမိၣ်ပာ်စၢၤ ဘၣ်မနုၤအဃိ နကသူလံာ်စီဆှံတဆၢအံၤလဲၣ်. တချုးဖဲနဖးထီၣ်​ လံာ်စီဆှံအဆၢ တဆၢလၢ်လၢ်န့ၣ်​ ဒ်သိးနပှၤဒိကနၣ်တၢ်ဖိ ကသးစၢၢ်ဆၢဝဲ လံာ်စီဆှံတဆၢန့ၣ်အဂီၢ် တဲဖျါထီၣ်တၢ်ဂ့ၢ်လၢ အဘၣ်ထွဲဒီးတၢ်ဂ့ၢ်မိၢ်ပှၢ်လၢ လံာ်စီဆှံအဆၢလၢနကဖးန့ၣ်တက့ၢ်.

• ပာ်ဖျါထီၣ်လၢလံာ်စီဆှံန့ၣ်​ မ့ၢ်ကစၢ်ယွၤအကလုၢ်ကထါ. ဖဲနတဲတၢ်ဒီး ပှၤလၢအနာ် ကစၢ်ယွၤအခါ ပာ်ဖျါထီၣ်န့ၢ်အီၤလၢ လံာ်စီဆှံန့ၣ်မ့ၢ်ဝဲ ယွၤအကလုၢ်အကထါ န့ၣ်တက့ၢ်. နမ့ၢ်မၤဒ်န့ၣ်န့ၣ်မ့ၢ်ဝဲနပာ်ဖျါထီၣ်လၢ တၢ်လၢနသိၣ်လိတဖၣ်န့ၣ်​ မ့ၢ်ဝဲကစၢ်ယွၤအကလုၢ်ကထါလီၤ.

• မၤစၢၤအီၤဒ်သိးအကသးစၢၢ်ဆၢဒီး လံာ်စီဆှံအဆၢလၢ နကဖးပၠးအီၤန့ၣ်တက့ၢ်. သံကွၢ်တၢ်သံကွၢ်လၢ အတၢ်စံးဆၢအိၣ်လၢ လံာ်စီဆှံအပူၤတက့ၢ်. ပာ်ဖျါထီၣ်တၢ်ဂ့ၢ်တခါလၢ ဖဲတၢ်ကီတၢ်ခဲအိၣ်ထီၣ်အခါ လံာ်စီဆှံမၤဘၣ်ဂီၢ်က့ၤဝဲဒ်လဲၣ်. ဒီးပာ်ဖျါထီၣ်​ တၢ်ဟံးစုနဲၣ်ကျဲတခါခါလၢ အအိၣ်လၢလံာ်စီဆှံအပူၤန့ၣ်တက့ၢ်.