တၢ်လုၢ်ဒိၣ်ပှ့ၤဒိၣ်တဖၣ်လၢ လံာ်စီဆှံအပူၤ | ၁ မိၤၡ့ ၂၉–၃၀
စီၤယၤကိာ် ဆီဟံၣ်ဆီဃီ
စီၤယၤကိာ် တသ့ၣ်ညါဆိပာ်စၢၤဝဲလၢ အဝဲမ့ၢ်ဆီဟံၣ်ဆီဃီန့ၣ် ကထံၣ်ဘၣ်တၢ်ကီတၢ်ခဲဘၣ်. နီၢ်ရၤဃ့လး ဒီးနီၢ်ရံးဘကၤန့ၣ် ကဲထီၣ်ပှၤပြၢလိာ်အသးလီၤ. (၁ မိၤ. ၂၉:၃၂; ၃၀:၁, ၈) တၢ်ကီတၢ်ခဲအိၣ်အါ သနာ်က့ စီၤယၤကိာ်သ့ၣ်ညါဝဲလၢ ယဟိဝၤယွၤ မၤစၢၤအီၤထီဘိလီၤ. (၁ မိၤ. ၃၀:၂၉, ၃၀, ၄၃) လၢခံစီၤယၤကိာ် အစၢၤအသွဲၣ်တဖၣ်န့ၣ် ကဲထီၣ်ဝဲပှၤအံၣ်စရ့လးဖိလီၤ.—ရူၤ. ၄:၁၁.
ဆၢကတီၢ်ခဲအံၤ ပှၤလၢအဆီဟံၣ်ဆီဃီတဖၣ်စ့ၢ်ကီး ကထံၣ်ဘၣ်တၢ်ကီတၢ်ခဲလီၤ. (၁ ကရံၣ်. ၇:၂၈) ဘၣ်ဆၣ် အဝဲသ့ၣ် မ့ၢ်သန့ၤအသးလၢ ယဟိဝၤယွၤ ဒီးမၤထွဲလံာ်စီဆှံအတၢ်ဟံးစုနဲၣ်ကျဲတဖၣ်န့ၣ် ကအိၣ်ဒီးဟံၣ်မုာ်ဃီပၢၤ ဒီးတၢ်သူၣ်ခုသးခုလီၤ.—ကတိၤ. ၃:၅, ၆; အ့း. ၅:၃၃.