နစံၣ်တဲၤတဲလီၤတၢ် ဒီးသိၣ်လိတၢ်သ့

စီၤမိၤၡ့န့ၣ်​ ဒ်သိးကမၤလၢပှဲၤအမူဒါလၢ ယဟိဝၤယွၤဟ့ၣ်လီၤအီၤအဂီၢ် အဝဲတူၢ်ဘၣ်ဝဲလၢ အတၢ်သ့တၢ်ဘၣ်တအိၣ်ဘၣ်. (၂ မိၤ. ၄:၁၀, ၁၃) နၤစ့ၢ်ကီး နတူၢ်ဘၣ်ဒ်န့ၣ်အသိးဧါ. နမၤလိလံာ်စီဆှံဒီး ယဟိဝၤပှၤအုၣ်အသးတဖၣ်ဧါ. နတူၢ်ဘၣ်လၢ နဟးစံၣ်တဲၤတဲလီၤတၢ်လၢ တဟံၣ်ဘၣ်တဟံၣ်တဘူၣ်ဘၣ်န့ၣ်ဧါ. မ့တမ့ၢ် နမ့ၢ်ပှၤသးစၢ်တဂၤ ဒီးနကစံၣ်တဲၤတဲလီၤတၢ်လၢ ကၠိအဂီၢ် နကပျံၤတၢ်လီၤ. ဘၣ်သ့ၣ်သ့ၣ်​ နကစံၣ်တဲၤတဲလီၤတၢ်လၢ ကမျၢၢ်အမဲာ်ညါ မ့တမ့ၢ် လၢလီတဲစိအဂီၢ် နကပျံၤတၢ်လီၤ. ဃ့ယဟိဝၤယွၤ အသးစီဆှံတက့ၢ်. (၁ ပ့း. ၄:၁၁) နနာ်သ့သပှၢ်ကတၢၢ်လၢ ဒ်သိးနမၤလၢပှဲၤနမူဒါလၢ ကစၢ်ယွၤဟ့ၣ်လီၤနၤ တမံၤဂ့ၤတ မံၤဂ့ၤကသ့အဂီၢ် အဝဲကမၤစၢၤနၤလီၤ.—၂ မိၤ. ၄:၁၁, ၁၂.

ကွၢ်တၢ်ဂီၤမူလၢ အခိၣ်တီမ့ၢ်ဝဲ အိၣ်ဒီးတၢ်သူၣ်ဒူသးဒူ . . . ပှၤစံၣ်တဲၤတဲလီၤတၢ်ဖိ ဒီးစံးဆၢတၢ်သံကွၢ်တဖၣ်အံၤတက့ၢ်

• ဒီပုၢ်ဝဲၢ်မုၣ်​ အ့ၤဧိၤယါမါန့ၣ်​ အိၣ်ဒီးတၢ်ကီတၢ်ခဲ မနုၤလဲၣ်.

• အဝဲဒိးန့ၢ်ဘၣ်ဝဲ တၢ်ဂံၢ်တၢ်ဘါ ဒီးတၢ်သူၣ်ဒူသးဒူဒ်လဲၣ်. (ယံး. ၂၀:၇-၉)

• ခီဖျိလၢ အဝဲမၤအါထီၣ်​ ယဟိဝၤယွၤအတၢ်မၤအဃိ ဒိးန့ၢ်ဘၣ်ဝဲအဘျုးဒ်လဲၣ်.

• လၢတၢ်စံၣ်တဲၤတဲလီၤတၢ်မၤအပူၤ နအိၣ်ဒီးတၢ်ကီတၢ်ခဲမနုၤတဖၣ်လၢ ယဟိဝၤယွၤ မၤစၢၤနၤသ့ဒ်လဲၣ်.