သူတၢ်အဒိလၢအကဲဘျုးတက့ၢ်

မးသဲ ၁၃:၃၄, ၃၅

ဘၣ်မၤဒ်လဲၣ်– မၤဂ့ၤထီၣ်နတၢ်စံၣ်တဲၤတဲလီၤ ခီဖျိသူတၢ်အဒိလၢ အထုးန့ၢ်ပှၤသးဒီး နၢ်ပၢၢ်ဘၣ်အီၤညီတက့ၢ်. နမ့ၢ်မၤဒ်န့ၣ်န့ၣ်​ နပှၤဒိကနၣ်တၢ်ဖိ ကနၢ်ပၢၢ်ထီၣ်​ တၢ်ဂ့ၢ်လၢအရ့ဒိၣ်လီၤ.

မၤဒ်အံၤတက့ၢ်–

• သူတၢ်အဒိလၢ ပှၤနၢ်ပၢၢ်ဘၣ်အီၤညီတဖၣ်တက့ၢ်. ဒ်ယ့ၣ်ၡူးအသိး သူတၢ်ဆံးဆံးကိာ်ဖိ လၢကၡဲပၠးတၢ်ဖးဒိၣ်အဂီၢ် ဒီးသူတၢ်အဒိညီညီဖိ ဒ်သိးကတဲနၢ်ပၢၢ်တၢ်ဂ့ၢ်လၢ အကီတဖၣ်အဂီၢ်တက့ၢ်. တဘၣ်တဲအါထီၣ်တၢ်ဂ့ၢ်တၢ်ကျိၤလၢ အဂၤလၢကမၤဘံဘူထီၣ်တၢ်အဒိန့ၣ်တဂ့ၤ. သူတၢ်အဒိလၢ အဘျးစဲဒီးတၢ်ဂ့ၢ်တၢ်ကျိၤလၢ နတဲပၠးပှၤဂၤန့ၣ်တက့ၢ်. နမ့ၢ်မၤဒ်န့ၣ်န့ၣ်​ နပှၤဒိကနၣ်တၢ်ဖိ ကနၢ်ပၢၢ်ဝဲတၢ်အဒိ ဒီးတၢ်ဂ့ၢ်တၢ်ကျိၤလၢ နတဲပၠးအီၤန့ၣ်လီၤ.

• ဆိကမိၣ်န့ၢ်တၢ်လၢ နပှၤဒိကနၣ်တၢ်ဖိအဂီၢ်တက့ၢ်. ဃုထၢတၢ်အဒိတဖၣ်လၢ ကကဲဘျုး ဒီးကထုးန့ၢ် နပှၤဒိကနၣ်တၢ်ဖိတဖၣ်​ အသးန့ၣ်တက့ၢ်. ပလီၢ်နသးဒ်သိး တၢ်အဒိလၢနသူတဖၣ်​ သုတမၤဘၣ်ဒိ ဒီးကဲထီၣ်တၢ်မဲာ်ဆှးလၢ အဝဲသ့ၣ်အဂီၢ်တဂ့ၤ.

• သိၣ်လိအဝဲသ့ၣ်တၢ်ဂ့ၢ်မိၢ်ပှၢ်တက့ၢ်. တၢ်ဂ့ၢ်လၢအရ့တဒိၣ်တဖၣ်န့ၣ်​ တဘၣ်တဲအါအါတဂ့ၤ တဲအါလၢ တၢ်ဂ့ၢ်မိၢ်ပှၢ်တက့ၢ်. မၤစၢၤနပှၤဒိကနၣ်တၢ်ဖိတဖၣ်​ လၢကတိၢ်နီၣ်ဝဲ တၢ်အဒိ တကးဒံးဘၣ်​ ဟံးန့ၢ်ဝဲတၢ်မၤလိလၢ တၢ်အဒိအံၤအပူၤကသ့ဒ်လဲၣ်န့ၣ်တက့ၢ်.