အိၣ်မူဒ် ခရံာ်ဖိအသိး
တဘၣ်ပျဲ နတၢ်မိၣ်န့ၢ်သးလီတဖၣ် ဒိၣ်စိလၢနဖီခိၣ်တဂ့ၤ
ပမ့ၢ်ပှၤတလၢတပှဲၤအဃိ ဒ်သိးပကအိၣ်ဒီး တၢ်ပၢၤသူၣ်ပၢၤသးအဂီၢ် ပကဘၣ် ဂုာ်ကျဲးစၢးထီဘိ. ပမ့ၢ်မၤ ဖဲဒၣ်ပသးန့ၣ် ပတဒိးန့ၢ်ဘၣ် ယဟိဝၤယွၤ အတၢ်ဘၣ်သးလၢၤဘၣ်. အဒိ, ပှၤတနီၤနီၤန့ၣ် ပျဲဝဲတၢ်မိၣ်န့ၢ်သးလီ ဘၣ်ဃးဒီး တၢ်အီၣ်တၢ်အီ, တၢ်ကူတၢ်သိး ဒီးတၢ်အိၣ်တၢ်ဆိးအလီၢ်တဖၣ် ကဒိၣ်စိလၢအဖီခိၣ် ဒီးအဝဲသ့ၣ် အဲၣ်တၢ်သ့ၣ်တဖၣ်အံၤ ဒိၣ်န့ၢ်ဒံး ကစၢ်ယွၤ. ပှၤအဂၤတနီၤန့ၣ် မၤလၢပှဲၤ အတၢ်မိၣ်န့ၢ်သးလီ ဘၣ်ဃးတၢ်သးကတၢ လၢကျဲလၢအထီဒါလိာ်အသးဒီး ယွၤအတၢ်သိၣ်တၢ်သီ. (ရိ. ၁:၂၆, ၂၇) မ့မ့ၢ်ပှၤဂၤတနီၤန့ၣ် အဲၣ်ဒိးဝဲလၢ ပှၤကရ့ဒီးအီၤဒီး ဘၣ်သူၣ်ဘၣ်သးအီၤအဃိ မၤပိာ်ပှၤဂၤအခံ.—၂ မိၤ. ၂၃:၂.
ပပၢၤဃာ် ပတၢ်မိၣ်န့ၢ်သးလီကသ့ဧါ. ပကဘၣ်ဂုာ်ကျဲးစၢးသးစၢၢ်ဆၢ တၢ်လၢယဟိဝၤယွၤ ဘၣ်သူၣ်ဘၣ်သးဝဲ. (မး. ၄:၄) တကးဒံးဘၣ် ပကဘၣ် ဃ့ကညး ယဟိဝၤယွၤ ဒ်သိးပကအိၣ်ဒီး တၢ်ပၢၤသူၣ်ပၢၤသးအဂီၢ်. ဘၣ်မနုၤအဃိလဲၣ်န့ၣ် ယဟိဝၤယွၤ သ့ၣ်ညါဝဲ တၢ်အဂ့ၤကတၢၢ်လၢပဂီၢ်ဒီး ကဘၣ်မၤလၢပှဲၤန့ၢ်ဝဲ ပတၢ်မိၣ်န့ၢ်သးလီလၢ ကျဲလၢအကြၢးဝဲဘၣ်ဝဲဒ်လဲၣ်န့ၣ် အဝဲသ့ၣ်ညါဝဲလီၤ.—စံး. ၁၄၅:၁၆.
ကွၢ်တၢ်ဂီၤမူလၢအမ့ၢ် တဘၣ်ပျဲ မိာ်ထူ မၤဟးဂီၤ နတၢ်အိၣ်မူတဂ့ၤ ဒီးစံးဆၢတၢ်သံကွၢ်တဖၣ်အံၤ–
ဘၣ်မနုၤအဃိ ပှၤတနီၤ အီမိာ်လဲၣ်.
တၢ်အီမိာ်န့ၣ် မၤဘၣ်ဒိနၤသ့ဒ်လဲၣ်.
တၢ်အီမိာ်ဒီး တၢ်အီအံၣ်လဲးထြီနံး စံကရဲး (vaping) န့ၣ်ဘၣ်မနုၤအဃိ ကမၣ်လဲၣ်.—၂ ကရံၣ်. ၇:၁
နတြီဆၢ တၢ်အဲၣ်ဒိးအီမိာ်သ့
ဖဲပှၤမၢဆူၣ်နၤ မ့တမ့ၢ် ပှၤဒုးအီနၤမိာ်လၢ ကမၤဟးဂီၤ နလုၢ်လၢ်အခါ နကတဲဆၢက့ၤဒ်လဲၣ်.