တၢ်ကတိၤဟ့ၣ်ဂံၢ်ဟ့ၣ်ဘါ ဒီးတၢ်ကတိၤမၤမုာ်ထီၣ်ပှၤသး

ယိၤဘး ၁၆:၅

ဘၣ်မၤဒ်လဲၣ်– တဲတၢ်ဂ့ၢ်လၢ ကမၤဂ့ၤထီၣ်က့ၤတၢ်အိၣ်သး ဒီးကမၤဆူၣ်ထီၣ်​ နပှၤဒိကနၣ်တၢ်ဖိတဖၣ်အသးတက့ၢ်.

မၤဒ်အံၤတက့ၢ်–

• မၤစၢၤနပှၤဒိကနၣ်တၢ်ဖိတဖၣ်​ ဒ်သိးကအိၣ်ဒီးတၢ်ထံၣ်လၢအဂ့ၤတက့ၢ်. နာ်လၢနဒီပုၢ်ဝဲၢ်မုၣ်ခွါတဖၣ်​ အဲၣ်ဒိးမၤသးခု ယဟိဝၤယွၤအသးတက့ၢ်. နမ့ၢ်ဘၣ်သိၣ်အဝဲသ့ၣ်ဒၣ်လဲာ် တၢ်ခွဲးတၢ်ယာ်မ့ၢ်အိၣ်န့ၣ်​ ပတြၢၤအဝဲသ့ၣ်လၢ တၢ်သူၣ်အိၣ်သးအိၣ်အပူၤတက့ၢ်.

• တဘၣ်တဲတၢ်ဂ့ၢ်လၢ အလီၤသးအုးတဖၣ်အါအါတဂ့ၤ. တၢ်ဂ့ၢ်လၢအလီၤသးအုးတဖၣ်န့ၣ်​ နမ့ၢ်ဆိမိၣ်လၢ အကဲဘျုးမးတဲအီၤတက့ၢ်. ဘၣ်ဆၣ်​ တၢ်ဂ့ၢ်တၢ်ကျိၤလၢ နတဲအီၤအါတက့ၢ်န့ၣ်​ ကဘၣ်ကဲထီၣ်​ တၢ်ဂံၢ်တၢ်ဘါလၢပှၤဂၤအဂီၢ်လီၤ.

• သူလံာ်စီဆှံအါအါတက့ၢ်. ပာ်ဖျါထီၣ်န့ၢ်အဝဲသ့ၣ်​ တၢ်လၢယဟိဝၤယွၤ မၤတ့ၢ်ဝဲတဖၣ်​ ဒီးကမၤဝဲလၢ ခါဆူညါတဖၣ်န့ၣ်တက့ၢ်. ဟ့ၣ်ဂံၢ်ဟ့ၣ်ဘါ နပှၤဒိကနၣ်တၢ်ဖိတဖၣ်​ ဒီးဒုးအိၣ်ထီၣ်အဝဲသ့ၣ်​ အတၢ်မုၢ်လၢ်တက့ၢ်.