ပအိၣ်မူဘၣ်​ မုာ်မုာ်ခုၣ်ခုၣ်​ လီၤထူလီၤယိာ် ကသ့ဧါ

လံာ်စီဆှံတဲဝဲဒ်လဲၣ်

“ပှၤတီပှၤလိၤန့ၢ်ဘၣ်သါထံဧိၤကီၢ်ဧိၤ, ဒီးအိၣ်ဝဲဆိးဝဲ လီၤစိၤလီၤထီလီၤ.”​—စံးထီၣ်ပတြၢၤ ၃၇:၂၉.

တၢ်လၢလံာ်စီဆှံတဲဝဲန့ၣ်​ အဘျုးအိၣ်လၢ နဂီၢ်ဒ်လဲၣ်

ခါဆူညါန့ၣ်​ နကအိၣ်မူဘၣ်​ တၢ်အိၣ်မူလၢ အပှဲၤဒီးတၢ်သူၣ်ခုသးခု, တၢ်မုာ်တၢ်ခုၣ်​ ဃုာ်ဒီး နဟံၣ်ဖိဃီဖိ ဒီးနသကိးတဖၣ်.​—၂ သ့းစၤလနံ ၂:၁၆.

နတအိၣ်မူဘၣ်ထဲ တစိၢ်ဖိဘၣ်​ ဒီးနကအိၣ်မူဘၣ်​ မုာ်မုာ်ခုၣ်ခုၣ်​ လီၤထူလီၤယိာ်.​—စံးထီၣ်ပတြၢၤ ၂၂:၂၆.

တၢ်လၢလံာ်စီဆှံတဲဝဲန့ၣ်​ ပနာ်အီၤသ့ သပှၢ်တၢၢ်ဧါ

ပနာ်သ့သပှၢ်တၢၢ်. ဘၣ်မနုၤအဃိ ပနာ်အီၤသ့လဲၣ်န့ၣ်​ ဝံသးစူၤ မၤလိကွၢ် တၢ်မၤလိသၢခါ လၢအအိၣ်လၢ လံာ်အံၤအပူၤ. တၢ်မၤလိတဖၣ်အံၤ အခိၣ်တီမ့ၢ်ဝဲ–

• လံာ်စီဆှံ မၤစၢၤနၤ သ့ဒ်လဲၣ်

• လံာ်စီဆှံ အၢၣ်လီၤပှၤ တၢ်အိၣ်မူလၢ အလီၤသးခု လၢခါဆူညါအဂီၢ်

• လံာ်စီဆှံန့ၣ်​ နနာ်န့ၢ်အီၤသ့ဧါ