“ယသးအိၣ်”

၁. ယ့ၣ်ၡူးဟဲလီၤလၢ မူခိၣ်ထး,

ပှဲၤဒီးတၢ်အဲၣ်, ဝံသးစူၤတၢ်.

ပာ်ဆိပတၢ်လိၣ်ဘၣ်

တအဲၣ်လီၤထဲသး,

ဟ့ၣ်လီၤဆၢကတီၢ်လၢပှၤဂီၢ်.

ထီဘိန့ၣ် ကွၢ်ထွဲပှၤအဖှီၣ်

မၤဘျါက့ၤပှၤဆါ, ပှၤမဲာ်ဘျီၣ်.

ယ့ၣ်ၡူးမၤလၢပှဲၤ အမူဒါထီဘိ

ဒီးအဝဲတဲလၢ “ယသးအိၣ်.”

၂. စိၤခဲအံၤ ပပိာ်ခရံာ်အကျဲ

လၢပတၢ်အိၣ်မူ ကိးနံၤဒဲး.

တၢ်အဲၣ်တၢ်ဝံသးစူၤ

အိၣ်လၢပသးပူၤ,

မၤစၢၤပှၤဂၤ ကိးဆၢကတီၢ်.

တံၤသကိး ဘၣ်ကီဘၣ်ခဲခါ,

ပအိၣ်လၢ အဝဲသ့ၣ်ကပၤ.

မုၣ်ကမဲဒီး ဖိၣ်ဃဲလၢအလီၤဒိ,

တဲအဝဲသ့ၣ်လၢ “ယသးအိၣ်.”