တၢ်ပိာ်ထွဲ
တၢ်မၤနၢၤကွံာ် တၢ်မၤလၢပှဲၤက့ၤ အတၢ်မိၣ်န့ၢ်သးလီ
လုၢ်လၢ်လၢ မၤဘၣ်ဒိနီၢ်သးလၢအမ့ၢ် တၢ်မၤလၢပှဲၤက့ၤအတၢ်မိၣ်န့ၢ်သးလီန့ၣ် မၤအါထီၣ် ပှၤတဂၤ အတၢ်ဆိကမိၣ်ထဲဒၣ်အဂီၢ် ဒီးမၤဘၣ်အၢပှၤတဂၤ အတၢ်ဆိကမိၣ်လီၤ.a ပှၤတဂၤလၢ အမၤလၢပှဲၤက့ၤ အတၢ်မိၣ်န့ၢ်သးလီန့ၣ် ထံၣ်ဝဲပှၤဂၤဒ် တၢ်အပီးအလီလၢကဒိးန့ၢ်ဘၣ် က့းအတၢ်သူၣ်မံသးမုာ်အဂီၢ်လီၤ. တၢ်မၤလၢပှဲၤက့ၤ အတၢ်မိၣ်န့ၢ်သးလီန့ၣ် စးထီၣ်ထံၣ်ဝဲ က့းလၢ, တမ့ၢ်တၢ်ပာ်ဖျါ တၢ်အဲၣ်လၢ ပှၤခံဂၤအဘၢၣ်စၢၤဘၣ်, ဘၣ်ဆၣ် ထံၣ်ဝဲဒ် နီၢ်ခိတၢ်ဖံးတၢ်မၤလၢ ထဲဒၣ်ကဟ့ၣ်တၢ်မၤမုာ်တစိၢ်ဖိဒီး မၤကိညၣ်ထီၣ် တၢ်သးစၢၢ်ဆၢလၢ တၢ်သးကတၢလီၤ. ဘၣ်ဆၣ်, တၢ်မၤကိညၣ်ထီၣ်အံၤန့ၣ် မ့ၢ်ဒၣ်တစိၢ်ဖိလီၤ. နီၢ်နီၢ်, တၢ်မၤလၢပှဲၤက့ၤ အတၢ်မိၣ်န့ၢ်သးလီၤန့ၣ် ကဘၣ်မၤသံနီၢ်ခိက့ၢ်ဂီၤအလီၢ် မၤအါထီၣ်ဂီၢ်ထီၣ် “တၢ်မၤကမၣ်မုၣ်ကမၣ်ခွါ, တၢ်ကလုာ်ကလိၤလၢ အဟ့ၣ်လီၤအသးဆူ တၢ်တကဆှီဘၣ်, တၢ်သူၣ်ကတၢသးကတၢ” လီၤ.—ကလီးစဲ ၃:၅, ခစ.
တၢ်မၢဖိပီလူး ကွဲးဝဲလၢ “ပှၤသးဘိသ့ၣ်သုဧၢ, . . . မ်ပမၤကဆှီပသးလၢ ကယဲၢ်တၢ်ဃံၣ်တၢ်မူး, ဘၣ်ဃးဒီးပဖံးပညၣ်, ဒီးပသူၣ်ပသးခဲလၢာ်တက့ၢ်. ဒီးလၢတၢ်ပျံၤယွၤအပူၤန့ၣ်, မ်ပမၤလၢထီၣ်ပှဲၤထီၣ်တၢ်စီဆှံတက့ၢ်.” (၂ ကရံၣ်သူး ၇:၁) နကစူၢ်တၢ်ကတိၤတဖၣ်အံၤအဂီၢ် မ့ၢ်ကီခဲန့ၣ် တဘၣ်သးဟးဂီၤတဂ့ၤ. ယဟိဝၤန့ၣ် “ပျၢ်ကွံာ်တၢ်ညီ” ထီဘိဒီး အဲၣ်ဒိးမၤစၢၤနၤလီၤ. (စံးထီၣ်ပတြၢၤ ၈၆:၅; လူၤကၣ် ၁၁:၉-၁၃) နီၢ်နီၢ်, နသးမ့ၢ်ပာ်တၢ်ကမၣ်လၢနလိၤ ဒီးနဂုာ်ကျဲးစၢး ပာ်ကတီၢ်လုၢ်လၢ်အံၤသနာ်က့ နကမၤဘၣ်က့ၤ တဘျီဘျီလီၤ. ဘၣ်ဆၣ် တၢ်အံၤပာ်ဖျါဝဲ နအိၣ်ဒီးတၢ်ပာ်သူၣ်ပာ်သးလၢအဂ့ၤလီၤ. ပာ်နသးစ့ၢ်ကီးလၢ “ယွၤဒိၣ်န့ၢ်ပသး, ဒီးသ့ၣ်ညါတၢ်ခဲလၢာ်” တက့ၢ်. (၁ ယိၤဟၣ် ၃:၂၀) ကစၢ်ယွၤထံၣ် ပနီၢ်ကစၢ်ဒီဂၤ အါန့ၢ်ဒံး ပတၢ်ကမၣ်လီၤ. ကစၢ်သ့ၣ်ညါတၢ်လၢ ဘၣ်ဃးဒီးပှၤကိးမံၤဒဲးအဃိ ပတၢ်ဃ့ကညးလၢ တၢ်သးဆူၣ်တဖၣ်န့ၣ် ဒိကနၣ်ဝဲလၢ တၢ်သူၣ်အိၣ်သးအိၣ်လီၤ. လၢတၢ်န့ၣ်အဃိ လီၤဂာ်ဒ် ဖိသၣ်တဂၤ လဲၤဆူအပၢ်အအိၣ်ဖဲ ထံၣ်ဘၣ်တၢ်ကီတၢ်ခဲအခါ အသိး, တဘၣ်လီၤဘှံးလ့ၤတက့ၤလၢ နကဃ့ထုကဖၣ်ဆူ ယွၤအအိၣ်လၢ တၢ်ဆီၣ်လီၤသးဒီး တၢ်သးဆူၣ်တဂ့ၤ. ယဟိဝၤ ကဟ့ၣ်နၤ သးလၢအသ့ၣ်ညါဒၣ်တၢ် လၢအကဆှီလီၤ. (စံးထီၣ်ပတြၢၤ ၅၁:၁-၁၂, ၁၇; ယၡါယၤ ၁:၁၈) နီၢ်နီၢ်, လိၣ်လၢနကဘၣ်မၤတၢ်လၢ အလီၤပလိာ်ဒီး နတၢ်ထုကဖၣ်လီၤ. အဒိ, နကဘၣ် ဂုာ်ကျဲးစၢး ဟးဆှဲးတၢ်ဂီၤဘ့ၣ်ဆ့ ကိးမံၤဒဲး ဃုာ်ဒီး တံၤသကိးလၢအတဂ့ၤတဖၣ်လီၤ.b
နမ့ၢ်တူၢ်ဘၣ်ဒံး တၢ်ကီတၢ်ခဲလၢ တၢ်မၤလၢပှဲၤက့ၤ တၢ်မိၣ်န့ၢ်သးလီဒံးအဖၢန့ၣ်, ဝံသးစူၤ တဲဘၣ်တၢ်ဂ့ၢ်အံၤလၢ ခရံာ်ဖိမိၢ်ပၢ်တဂၤ မ့တမ့ၢ် ပှၤဒိၣ်တုာ်ခိၣ်ပှဲၤလၢ နီၢ်သးဒီး တံၤသကိးလၢ အံးထွဲကွၢ်ထွဲတၢ်သ့တဂၤတက့ၢ်.c—ကတိၤဒိ ၁:၈, ၉; ၁ သ့းစၤလနံ ၅:၁၄; တံတူး ၂:၃-၅.
a တၢ်မၤလၢပှဲၤက့ၤ အတၢ်မိၣ်န့ၢ်သးလီန့ၣ် မ့တၢ်ဖူးလဲး က့းအက့ၢ်ဂီၤဒွဲ, လၢအညီနုၢ်မၤအါထီၣ် တၢ်သးကတၢလၢ အထီကတၢၢ်န့ၣ်လီၤ.
b ဘၣ်ဃးဒီးတၢ်သူခီၣ်ဖၠူထၢၣ်လၢ ဟံၣ်ပူၤန့ၣ်, ပှၤတနီၤနီၤ ပာ်ဝဲတၢ်အံၤလၢ ဟံၣ်ဖိဃီဖိကိးဂၤဒဲး ထံၣ်ဝဲနီၢ်နီၢ်သ့အလီၢ်န့ၣ်လီၤ. အါန့ၢ်အန့ၣ်, ဟံၣ်ဖိဃီဖိတနီၤ ပှ့ၤဝဲ ခီၣ်ဖၠူထၢၣ် အတၢ်ရဲၣ်ကျဲၤလၢ မၤကဆှီ တၢ်အပီးအလီလၢ တလီၤဘၣ်သူၣ်ဘၣ်သးန့ၣ်လီၤ. သနာ်က့, ခီၣ်ဖၠူထၢၣ် တၢ်ရဲၣ်ကျဲၤလၢ ပနာ်န့ၢ်အီၤသ့ လၢလၢပှဲၤပှဲၤန့ၣ် တအိၣ်ဘၣ်.
c တၢ်ဟ့ၣ်ကူၣ် ဘၣ်ဃးလၢပမၤနၢၤ တၢ်မၤလၢပှဲၤက့ၤ တၢ်မိၣ်န့ၢ်သးလီ ကသ့ဒ်လဲၣ်အဂီၢ်န့ၣ်, ကွၢ်တၢ်ကွဲးဖှိၣ်ရၤလၢ, နိုးလော့! ၂၀၀၆၊ နိုဝင်ဘာလထုတ်ပါ “လူငယ်များအမေး . . . ငါ ဒီအကျင့်ကို ဘယ်လိုချိုးနှိမ်ရမလဲ” နှင့် လူငယ်များအမေး—တာသွားသည့်အဖြေစာအုပ် စာမျက်နှာ ၂၀၅-၁၁ တို့တွင်ၡု။