Bampova ya ebandeli ya Kitini 11

Kitini yayi kena kutubila Masonukua ya Greki ya Buklisto. Yesu butukaka ve na dibuta ya bamvuama. Dibuta yango vuandaka zinga na mua mbanza mosi ya fioti. Yandi vuandaka sala kintuadi na tata na yandi, yina vuandaka kisadi ya mabaya. Yesu nde vuandaka muntu yina fueti vukisa bantu. Yehova ponaka yandi lokola Ntinu ya Kimfumu ya dizulu. Kana nge kele kibuti, sadisa muana na nge yandi mona mutindu Yehova ponaka na dikebi mpenza dibuta mpe kisika yina Yesu keyundukila. Monisa yandi mutindu Yehova taninaka Yesu samu Erode bika kufua yandi mpe mutindu kima mosi ve lenda pekisa ti lukanu ya Yehova kokisama. Longa yandi mutindu Yehova pesaka Yoane kiyekua ya kubongisila Yesu nzila. Sasila yandi mutindu Yesu monisaka ti ata ntangu yandi vuandaka muana fioti yandi vuandaka zola nduenga ya Yehova.