Makanisi samu na site na beto

Mona masolo yina mebimaka

Bampangi na beto mingi kesadilaka masolo yina kebimaka na paje ya ebandeli ya site jw.org na kisalu ya kusamuna. Yakevuandaka mpasi ve kutindila yau muntu yankaka na nzila ya telefone to apareyi yankaka, mpe mbala mingi yakesasilaka mutindu mambu ya yinza kena kukokisa bansilulu ya Biblia. Mutindu kaka mpangi mosi sonikaka, masolo yina kevuandaka na paje ya ebandeli kevuandaka “mpenza mambu yina beto kevuandaka na yau nsatu samu na mutindu beto kesadilaka na kisalu ya kusamuna.”

Kasi, masolo yango kesobaka mbala na mbala, na yau, yinki mutindu beto lenda mona masolo yina kena kumonana diaka ve na paje ya ebandeli?

• Kaka na paje ya ebandeli ya jw.org, niema lien “Voir plus” yina kebimaka na zulu ya paje. Lien yango kezibulaka paje “Récemment en page d’accueil,” kuna nge kemona masolo mingi yina katukaka kubima ntama mingi ve.

• Na jw.org to na JW Library, pona “Biblioteke,” na manima “Masolo,” mpe ya nsuka “Mambu yankaka.” Kitini yango kele na masolo mingi yina vuandaka ntete na paje ya ebandeli.