Mutindu ya kukanga ntima na mambu ya kukondua lunungu

Tanga Kuyantika 37:23-28; 39:17-23 samu na kubaka malongi na kifuani ya Yozefi na diambu metadila kukanga ntima na mambu ya kukondua lunungu.

Tadila disolo yango na mvimba na yau. Samu na yinki bantu yankaka vuandaka sadila Yozefi mambu na mutindu mekondua lunungu? (Kuy. 37:3-11; 39:1, 6-10) Yalombaka Yozefi kanga ntima na mambu ya kukondua lunungu samu na bantangu yikua? (Kuy. 37:2; 41:46) Na ntangu yango, yinki Yehova salaka samu na Yozefi, kasi yinki Yandi salaka ve?​—Kuy. 39:2, 21; w23.01 17 ¶13.

Kota na mpinda. Biblia tuba ve ti Yozefi vuandaka sosa kukinungisa samu na mambu ya luvunu yina nketo ya Potifare tubaka samu na yandi. Yinki mutindu baverse yayi melanda kena kusadisa beto samu beto kanisa na mfunu yina mbala yankaka salaka ti Yozefi bikana niee to na mfunu yina beto fueti sosa ve ti beto kuta mambu nionso yina metadila disolo yango na Biblia? (Bing. 20:2; Yoa. 21:25; Bis. 21:37) Mbala yankaka yinki bikadulu sadisaka Yozefi na kukanga ntima na mambu ya kukondua lunungu?​—Mika 7:7; Luka 14:11; Yak. 1:2, 3.

Sosa kumona malongi. Kukiyuvusa:

• ‘Yinki mambu ya kukondua lunungu munu lenda kutana na yau lokola munu kele nlonguki ya Yesu?’ (Luka 21:12, 16, 17; Baeb. 10:33, 34)

• ‘Yinki munu lenda sala banda bubu yayi samu yasadisa munu munu vuanda na dikoki ya kukanga ntima?’ (Nk. 62:7, 8; 105:17-19; w19.07-LI 2-7)