Noti na yinsi ya paje

a Beto kezolaka Yehova mingi, mpe beto kesepelaka kusala nionso yina beto lenda sala na kisalu na yandi. Na kutulaka yau na makanisi, beto lenda sala mingi na kisalu ya kusamuna to kusala nionso samu na kundimama na kubaka biyekua yankaka na kimvuka. Kasi yinki beto kesala kana beto kena kukokisa ve balukanu yankaka ata beto kena kusala bangolo? Yinki kesadisa beto beto tatamana kukipesa na kisalu ya Yehova mpe kutanina kiese na beto? Beto kebaka mvutu na kifuani ya Yesu ya batalanta.