BIBLIOTEK Watchtower NA INTERNET
Watchtower
BIBLIOTEKE NA INTERNET
Kituba
  • BIBLIA
  • MIKANDA MPE BABUKU
  • BALUKUTAKANU
  • Kubasika 13
  • Biblia. Mbangudulu ya Yinza ya Malu-Malu

Nge lenda kuzwa ve video awa.

Kima mosi me simba ve ntangu nge vanda baka video.

Mambu yina ke na buku ya Kubasika

      • Konso mwana ya ntete ya bakala ke ya Yehova (1, 2)

      • Mukembo ya mampa yina ke ve na levire (3-10)

      • Ba me fwana kupesa Nzambi konso mwana ya ntete (11-16)

      • Nzambi me nata bantu ya Izraele na Mubu ya Mbwaki (17-20)

      • Dikunzi ya dituti na dikunzi ya tiya (21, 22)

Kubasika 13:2

Banoti ya yisi ya paje

  • *

    To, “katudila munu.”

  • *

    Na ndinga ya ntete, “konso mwana ya ntete yina ke fungulaka kivumu.”

Kubasika 13:4

Banoti ya yisi ya paje

  • *

    Tala Yina ba me bwela B15.

Kubasika 13:7

Banoti ya yisi ya paje

  • *

    Na ndinga ya ntete, “na bandilu.”

Kubasika 13:9

Banoti ya yisi ya paje

  • *

    Na ndinga ya ntete, “na kati-kati ya meso ya nge.”

  • *

    To, “mpe mutindu kima ya kubambuka moyo na mbunzu ya nge.”

Kubasika 13:12

Banoti ya yisi ya paje

  • *

    Na ndinga ya ntete, “konso mwana ya ntete yina ke fungulaka kivumu.”

  • *

    Na ndinga ya ntete, “konso mwana ya ntete yina ke fungulaka kivumu.”

Kubasika 13:16

Banoti ya yisi ya paje

  • *

    Na ndinga ya ntete, “na kati-kati ya meso ya nge.”

Kubasika 13:20

Banoti ya yisi ya paje

  • *

    To, “na ndilu ya.”

Kubasika 13:21

Banoti ya yisi ya paje

  • *

    Ya vandaka dituti yina vanda talana mutindu mulinga ya yinda.

  • *

    Ya vandaka mutindu tiya ya yinda.

  • Biblia. Mbangudulu ya Yinza ya Malu-Malu
  • 1
  • 2
  • 3
  • 4
  • 5
  • 6
  • 7
  • 8
  • 9
  • 10
  • 11
  • 12
  • 13
  • 14
  • 15
  • 16
  • 17
  • 18
  • 19
  • 20
  • 21
  • 22
Biblia. Mbangudulu ya Yinza ya Malu-Malu
Kubasika 13:1-22

Kubasika

13 Yehova zonzaka dyaka na Moyize: 2 “Kumisa santu samu na munu* konso mwana ya ntete ya bakala* ya bantu ya Izraele. Mwana ya bakala yina ke butuka ya ntete, ya bantu mpe ya bibulu, ke ya munu.”

3 Moyize zonzaka na dikanda: “Beno bambukila moyo na kilumbu yayi yina beno me basika na Ezipte, na yinzo ya bungaamba, samu Yehova me basisa beno awa na nzila ya diboko ya ngolo. Na yawu beno ke kudya ata kima yina ke na levire. 4 Beno me basika bubu yayi na ngonda ya Abibe.* 5 Ntangu Yehova ke kotisa nge na bwala ya Bakanana, ya Bahitite, ya Baamorite, ya Bahivite mpe ya Bayebuzite, yina yandi zengaka ndefi na bankooko ya nge ti yandi ke pesa nge, ntoto yina ke ya kufuluka na miliki mpe mafuta ya nyosi, nge fwana kutatamana na kusala mukembo yayi na ngonda yayi. 6 Na kati ya bilumbu 7, nge ke kudya mampa yina ke ve na levire, mpe na kilumbu ya 7, ya ke vanda na mukembo samu na Yehova. 7 Na bilumbu 7 yina, bantu ke kudya mampa yina ke ve na levire. Ba fwana kutala ve na sika ya nge kima yina ke na levire, mpe ba fwana kutala ve na sika ya nge pate yina ba me funisa, na bisika nyonso* ya bwala ya nge. 8 Kilumbu yina, nge ke zonza na mwana ya nge, ‘Mu ke na salaka yawu samu na mambu yina Yehova salaka samu na munu ntangu mu basikaka na Ezipte.’ 9 Mukembo yayi ke vanda samu na nge mutindu kidimbu yina ke ya kusonama na diboko ya nge mpe na mbunzu* ya nge,* samu musiku ya Yehova vanda na yinwa ya nge. Ntembe ve, Yehova basisaka nge na Ezipte na nzila ya ngolo ya diboko ya yandi. 10 Konso mvula nge fwana kulanda musiku yayi na ntangu ya yawu.

11 “Ntangu Yehova ke kotisa nge na bwala ya Bakanana, yina yandi zengaka ndefi na nge mpe na bankooko ya nge ti yandi ke pesa nge yawu, 12 nge fwana kupesa na Yehova konso mwana ya ntete ya bakala,* mpe konso mwana ya ntete ya bakala* ya bibulu yina nge ke kuzwa. Ba kele ya Yehova. 13 Nge fwana kusumba dyaka konso mwana ya ntete ya mbuluku na kupesaka dimeme na kisika ya yandi. Kana nge sumba dyaka ve yandi, nge fwana kubuka yandi laka. Mpe nge fwana kusumba dyaka konso mwana ya nge ya ntete ya bakala.

14 “Na mantwala, kana mwana ya nge yufula nge, ‘Samu na yinki beto ke na salaka yawu?’ nge ke zonza na yandi, ‘Na ngolo ya diboko ya yandi, Yehova basisaka beto na Ezipte, na yinzo ya bungaamba. 15 Samu Faraoni vanda manga kaka kubika beto kwenda, Yehova kufwaka bana nyonso ya ntete ya bwala ya Ezipte, kubanda na bantu tii na bibulu. Ni na yawu, mu ke na pesaka Yehova bana nyonso ya ntete ya bibulu mutindu munkayulu, mpe mu ke na sumbaka dyaka konso mwana ya ntete ya bana ya munu.’ 16 Ya fwana kuvanda mutindu kidimbu na diboko ya nge, mpe kitende ya kukangama na mbunzu* ya nge, samu ti ni na ngolo ya diboko ya yandi, Yehova basisaka beto na Ezipte.”

17 Ntangu Faraoni bikaka bantu ya Izraele kwenda, Nzambi nataka ve bawu na nzila ya bwala ya Bafilisti, ata ti ya vandaka pene-pene, samu ti Nzambi zonzaka: “Bantu lenda soba makanisi ya bawu ntangu ba ke kutana na mvita mpe ba ke vutuka na Ezipte.” 18 Na yawu Nzambi salaka ti ba baka nzila ya yinda yina ke lutaka na ntoto ya kuyuma ya Mubu ya Mbwaki. Kasi bantu ya Izraele basikaka na Ezipte na mulonga mutindu kimvuka ya basoda. 19 Moyize nataka mpe mikwa ya Yozefi, samu Yozefi zengisaka bana ya Izraele ndefi ntangu yandi zonzaka: “Ya tsyeleka Nzambi ke tula beno dikebi, mpe beno me fwana kukatula mikwa ya munu awa mpe kukwenda na yawu.” 20 Ba katukaka na Sukote mpe ba kwendaka vanda na Etami pene-pene na* ntoto ya kuyuma.

21 Yehova vandaka tambula na mantwala ya bawu, na ntangu, na dikunzi ya dituti* samu na kunata bawu, mpe na mpimpa, na dikunzi ya tiya* samu na kupesa bawu nsemo. Na yawu, ba vanda lenda kutambula na ntangu mpe na mpimpa. 22 Dikunzi ya dituti vanda katuka ve na sika ya bantu ya Izraele na ntangu, mutindu mosi mpe na dikunzi ya tiya na mpimpa.

Mikanda ya Kituba (2012-2025)
Basika
Kota
  • Kituba
  • Kabula
  • Soola yina nge zola
  • Copyright © 2025 Watch Tower Bible and Tract Society of Pennsylvania
  • Misiku samu na kusadila yawu
  • Misiku samu na kubumba yina nge ke na salaka
  • Paramètres de confidentialité
  • JW.ORG
  • Kota
Kabula