Nwana samu bansatu ya nge twadisa ve luzingu ya nge

Samu beto ke bantu ya masumu, beto ke nwaná ntangu nyonso samu bansatu ya beto twadisa ve luzingu ya beto. Beto lenda zimbisa kindiku ya beto na Yehova kana beto bika bansatu ya beto twadisa beto. Na kifwani, luzolo yina ba ya nkaka ke na yawu samu na madya, bilele, mpe bayinzo, lutila luzolo yina ba ke na yawu samu na Nzambi. Bantu ya nkaka ke lungisá bansatu ya bawu ya kisuni, na mutindu mosi yina ke kwelaná ve na misiku ya Nzambi. Ba ke salá busunza, ke talá bizizi ya kidi-kidi, mpe bamambu ya nkaka ya busafu. (Rom 1:26, 27) Samu bampangi ndima bawu to ba zola bawu, ba ya nkaka ke ndimá kusala mambu ya yimbi yina bampangi ke na natá bawu na kusala.—Bas 23:2.

Yinki beto me lunga kusala samu na kubika ve bansatu ya beto twadisa beto? Beto me lunga kusala bangolo samu na kukangama kaka na kusala bamambu yina ke sepelisá Yehova. (Mt 4:4) Dyaka, beto me lunga kubondila Yehova yandi sadisa beto samu bansatu ya beto twadisa ve beto. Samu na yinki? Samu ti Yandi zaba yina ke mbote samu na beto, mpe Yandi zaba faso ya mbote ya kulungisa bansatu yina beto me lunga kuvanda na yawu.—Nku 145:16.

LUTISA VIDEO KUBEBISA VE LUZINGU YA NGE NA CIGARETTE, MPE NA MANIMA YUFULA BYUVU YAYI:

• 

  Samu na yinki bantu ya nkaka ke kunwá cigarette?

• 

  Yinki kunwa cigarette lenda sala nge?

• 

  Samu na yinki kunwa cigarette to kusadila ba-appareil samu na kunwa yawu ke yimbi?—2Ko 7:1

• 

  Wapi mutindu nge lenda manga to kubika kunwa cigarette?