Sadila buku Sepela na luzingu ya ntangu nyonso! samu na kutunga kiminu na Yehova mpe na Yesu

Samu na kusepelisa Nzambi, balongoki ya Biblia me lunga kutunga kiminu ya ngolo. (Ebr 11:6) Na nzila ya buku Sepela na luzingu ya ntangu nyonso! beto lenda simba bantima ya bawu. Buku yango ke sadilá baverse yina me lunga, faso ya yawu ya kuzonzila bamambu ke pwelele, ya ke na byuvu ya mfunu, bavideo yina ke kindisá, mpe bizizi ya kitoko. Beto ke tunga na bima yina tiya lenda kufwa ve ntangu beto ke bakisa balongoki ya Biblia na kukulisa bifu ya bakristo, mpe na kutunga kindiku na Nzambi.—1Ko 3:12-15.

Samu na bantu ya nkaka, ya ke mpasi na kuvanda ndiku ya Nzambi yina ba ke talá ve. Na yawu, beto me lunga kusadisa bawu na kulongoka kuzaba Yehova, mpe na kutula yandi ntima.

LUTISA VIDEO TUNGA KIMINU NA YEHOVA NA NZILA YA BUKU “SEPELA NA LUZINGU YA NTANGU NYONSO!” NA MANIMA YUFULA BYUVU YAYI:

• Wapi mutindu beto me zaba ti mpangi ya beto ya kento yidamá mbote-mbote samu na kulonga Biblia?

• Na manima ya kutanga Izaya 41:10, 13, wapi mutindu yandi me sadila byuvu samu na kubakisa mulongoki na kubasisa yina me vanda na yandi na ntima?

• Yinki video na baverse me sala na mulongoki ya Biblia?

Bantu mingi ke tadilá ve munkayulu ya Yesu faso dikabu yina Nzambi yandi mosi me pesa bawu. (Gal 2:20) Na yina, beto me lunga kusadisa bawu na kutunga kiminu na munkayulu ya Yesu.

LUTISA VIDEO TUNGA KIMINU NA YESU NA NZILA YA BUKU “SEPELA NA LUZINGU YA NTANGU NYONSO!” NA MANIMA YUFULA BYUVU YAYI:

• Wapi mutindu beto me zaba ti mpangi ya beto ya bakala yidamá mbote-mbote samu na kulonga Biblia?

• Wapi mutindu yandi me sadila kitini “Sosa kuzaba dyaka” samu na kusadisa mulongoki ya Biblia?

• Samu na yinki lusambu ke mfunu samu na mulongoki ya Biblia?