Nge ke sosá kwandi bamvutu na balusambu ya nge?

Na kati ya Biblia ke na balusambu mingi yina Yehova pesá bamvutu. Ntembe ve, kiminu ya bisadi ya Yehova kumá dyaka ngolo ntangu ba kwizá tala ti Yehova kuwá bawu mpe sadisá bawu na mosi na mosi ya bamambu yina vandá kwamisa bawu. Ya ke vanda mbote ntangu beto ke sambilá Yehova, na kuzonza na yandi pwelele mambu yina ke na beto. Mpe na manima, kusosa kutala faso yandi ke pesa mvutu. Beto zimbana ve ti mvutu ya yandi lenda vanda ve kaka faso beto me lomba yawu, to kuluta yina beto me lomba yandi. (2Ko 12:7-9; Ef 3:20) Wapi mutindu Yehova ke pesá mvutu na balusambu ya beto?

• Ngolo, makanisi ya kuzuna, to kiminu ya ngolo, samu na kukanga ntima na mantwala ya mambu.—Flp 4:13

• Mayela samu na kubaka lukanu ya mbote.—Zk 1:5

• Nsatu mpe ngolo ya kusala kima.—Flp 2:13

• Kizunu ntangu beto ke vandá na manyongo.—Flp 4:6, 7

• Bampangi yina ke pesá beto bima yina beto ke na yawu nsatu to ke kindisá beto.—1Yn 3:17, 18

• Lubakusu samu na bampangi yina beto ke tulá na balusambu ya beto.—Bis 12:5, 11

TALA VIDEO YEHOVA KE ‘MUNTU YINA KE WAKA LUSAMBU,’ MPE NA MANIMA, YUFULA BYUVU YAYI:

• Kana beto ke ve na ngolo ya kusala bima nyonso yina beto ke na zolá kusala, Wapi mutindu disolo ya mpangi Shimizu lenda kindisa beto?

• Wapi mutindu beto lenda landa kifwani ya mpangi Shimizu?