Mutindu ya kusadila Sepela na luzingu ya ntangu nyonso!

Nge ke sepelá kwandi na bavideo mpe na byuvu yina ke natá bantu na kuzonza yina ba ke na yawu na ntima na nzila ya buku Sepela na luzingu ya ntangu nyonso! Yinki beto lenda zonza samu na bitini “Bantu ya nkaka ke zonzaka,” “Yina nge lenda sala,” mpe “Sosa kuzaba dyaka”? Wapi bitini ya nkaka nge lenda tala mfunu ntangu nge ke salá kisalu ya kusamuna?—Mat 28:19, 20.

Bavideo, bima ya kuwa mpe mikanda: Kana nge ke na sadilá buku ya papier samu na kulonga muntu Biblia, wapi mutindu nge lenda kuzwa na bangu nyonso bavideo, bima ya kuwa mpe mikanda ya nkaka na kisika mosi? Kana nge ke na sadilá buku na téléphone, nyema na mosi ya bitini yiya ya buku. Samu na kutala bavideo, bizizi mpe mikanda, kwenda na yisi ya konso kitini ya buku, kota na bavideo, bima ya kuwa mpe mikanda. (tala kizizi 1.)

“Mode image”: Kana nge ke na sadilá buku na téléphone samu na kulongoka na muntu, kitini “Mode image” lenda vanda mfunu na ntangu ni ntangu yina beno ke na longokaka. Ntangu beno ke na kati ya kileso, kota na ba points tatu yina ke na zulu mpe nyema na “Mode image.” Ya ke kwiza bakisa nge na kutala mbote-mbote wapi mutindu mambu yina nge ke na longoká ke na kwelaná na yintu dyambu ya kileso. Samu na kuvutula yawu faso ya vandá, vutuka na ba points tatu mpe nyema “mode texte.”

“Mu me bongama kwandi?”: Ba encadrés yina ke na nsuka ke zonzilá bamambu yina ke lakisá ti muntu me bongama samu na kusamuna na kimvuka mpe kuzwa mbotokolo. (tala kizizi 2.)

Note ya nsuka: Ba notes ke zonzilá dyaka pwelele bamambu ya nkaka ya mfunu. Buku na téléphone ke na ba liens na nsuka ya konso notes yina ke vutulá na kileso yina beno vandá longoka. (tala kizizi 2.)