Bibuti, beno sadisa bana ya beno na kusadila bamambu yina ba ke na longoká na yina me tadila Yehova

Mosi ya ba faso yina bibuti lenda sadisa bana ya bawu na kulongoka kuzaba Nzambi ni na kulakisá bawu bambote yina ba lenda kuzwa na balukutakanu. Mambu yina bantwenya ke tala, ke kuwa mpe ke zonza na balukutakanu lenda sadisa bawu na kuzaba dyaka mambu mingi na Yehova mpe kukuma ndiku ya yandi. (Kul 31:12, 13) Kana nge ke tata to mama, wa’ faso nge lenda sadisa mwana ya nge na kuzwa bambote mpe kusepela na balukutakanu?

• Sala bangolo samu na kukwenda ntangu nyonso na Yinzo ya Kimfumu samu na balukutakanu.​—Nku 22:22

• Lutisa ntangu na kukindisa ba yina me kwiza na lukutakanu tekila ya banda to na manima.​—Ebr 10:25

• Tala kana muntu nyonso ya dikanda ke na mikanda yina ba ke longoka na lukutakanu, ya vanda na telefone to na papier

• Sadisa mwana ya nge na kubongisa mpe na kupesa mvutu yina yandi mosi me yidika.​—Mt 21:15, 16

• Zonzila bambote yina beto ke kuzwá na balukutakanu mpe bamambu nyonso yina beto ke longoká kuna

• Sadisa bana ya nge na kusala mwa bisalu mutindu kukomba Yinzo ya Kimfumu mpe na kusolola na bampangi yina ke ya kukula na kimvuka

Ya ke lombá bangolo mingi samu bana kuma pene-pene na Yehova, mpe ntangu ya nkaka ya lenda vanda mwa mpasi. Na yawu, kuzimbana ve ti Yehova ke sadisa nge.​—Iza 40:29.

TALA VIDEO BIBUTI, BENO TULA NTIMA NA YEHOVA MPE NA NGOLO YA YANDI, MPE NA MANIMA PESA MVUTU NA BYUVU YAYI:

• Samu Zack na Leah vandá ya kulemba, yinki ba vandá lenda dyaka ve kusala?

  Mvutu ya nge

• Samu na yinki bibuti me lunga kutula ntima na ngolo ya Yehova?

  Mvutu ya nge

• Yinki Zack na Leah salá samu Yehova sadisa bawu?

  Mvutu ya nge