Nge na zabá dyaka?

Nge me tanga mbote-mbote masolo ya Yinzo ya Kengidi ya mvula yayi? Beto tala kana nge lenda pesa bamvutu na byuvu yayi:

Yinki nge me bonga kusala samu na kukuma na “mayela ya malu-malu”? (Rom. 12:2)

Nge me lunga ve kaka kusala mwa bamambu ya mbote. Nge me fwana kusosa kuzaba mbote-mbote nani nge kele na kati ya nge. Mpe na manima, nge fwana kubongisa bamambu na kusalá bangolo ya nge nyonso samu na kulanda misiku ya Yehova.​—w23.01, pp. 8-9.

Yinki beto me bonga ve kusala ntangu beto ke talá bamambu yina ke na salamá na yinza?

Ntangu beto ke sololá na bampangi na bambikudulu, beto me bonga ve kuzonza makanisi ya beto na yina me tadila kulungana ya yawu, samu ti beto zola ve kuzonza ata mambu mosi yina lenda bebisa bumosi na kati ya beto. Mambu ya mbote ya kusala, ni kusosa kuzaba mambu yina me basika ntama mingi ve na mikanda ya beto. (1 Ko. 1:10)​—w23.02, p. 16.

Samu na yinki mbotokolo ya Yesu vandá ve faso mosi na mbotokolo ya bilandi ya yandi?

Yesu vandá ve na nsatu ya kukipesa na Yehova, samu yandi butuká na dikanda yina kukipesá na Nzambi. Yesu vandá ve muntu ya masumu. Na yawu, yandi vandá ve na nsatu ya kubalula ntima mpe kulomba mulemvo samu na masumu.​—w23.03, p. 5.

Yinki nge lenda sala samu bampangi ya nkaka kuzwa bweso ya kupesa bamvutu?

Mosi ya bafaso ya kusala yawu ke ni na kupesá bamvutu ya nkufi. Ata ntangu nge ke pesá mvutu ya nkufi, kutulá ve bamambu mingi na kati, samu bampangi zonzila bamambu ya nkaka yina ke na paragrafe.​—w23.04, p. 23.

Yinki zola zonza “Nzila ya Busantu” yina ke na kati ya Izaya 35:8?

Ni nkumbu yina Yehova pesá na nzila yina bantu ya Izraele zolá baka ntangu ba zolá katuka na Babilone samu na kuvutuka na Izraele. Kasi yinki ya zola zonza samu na beto bubu yayi? Bamvula mingi tekila 1919, Yehova sadilá bantu yina vandá na buzitu mingi na yandi na kusala kisalu ya kubangula Biblia mpe kubasisa yawu na mikanda. Dikanda ya Nzambi bandá kutambula na “Nzila ya Busantu’’ mpe kisalu yina ba salá, zolá bongisa nzila samu bantu ya ntima ya mbote basika na mabuundu ya luvunu mpe sadila Yehova na dikanda ya yandi.​—w23.05, pp. 15-19.

Wapi malongi Bingana kikapu 9 ke na pesá beto na yina me tadila bifwani ya bakento zole?

Bingana ke zonzilá bakento zole. Ya ke na ‘kento ya zoba’ yina ke na bokilá bantu samu na kunata bawu na ‘bisika ya yinda ya Ndyamu.’ ‘Ndwenga ya tsyeleka,’ ke kifwani ya kento mosi, yina ke na bokilá bantu na “kutambula na nzila ya mayela ya kubakula mambu” mpe ya luzingu. (Bin. 9:1, 6, 13, 18)​—w23.06, pp. 22-24.

Na mantwala ya Loti wa’ faso Yehova lakisá ti yandi ke ya kukuluka mpe ti yandi ke kangamá ve kaka na dikanisi mosi na mantwala ya Loti?

Ntangu yandi vandá sosa kufwa bantu ya yimbi na bwala ya Sodome Yehova zonzá na Loti muntu ya lunungu na kukima na bamongo. Na nzila ya bambazi ya yandi, Yehova zonzá na Loti muntu ya lunungu na kukima na bamongo. Loti vandá na maketi-keti na kukwenda kuna. Yandi lombá ti yandi na dikanda ya yandi, kwenda vanda na bwala ya Soare. Yehova biká Loti na kukwenda na Soare mpe yandi mwangisá dyaka ve bwala yango.​—w23.07, p. 21.

Yinki kento lenda sala, kana bakala ya yandi ke talá bafoto to bavideo ya yimbi?

Yandi me lunga kutala ve ti ya ke foti ya yandi. Yandi me bonga kutula makanisi ya yandi na kindiku ya yandi na Yehova. Yandi lenda tanga mpe kuyindula na masolo ya Biblia ya bakento yina vandá na manyongi mpe kuzwá ngolo ntangu ba tulá ntima ya bawu na Yehova. Kento lenda sadisa bakala ya yandi na kusala keba na bima nyonso yina lenda sala ti yandi kubwa dyaka na mutambu.—​—w23.08, pp. 14-17.

Ntangu ba ke sombolá beto na yina me tadila bamambu yina beto ke kwikilá, wa’ faso mayela ya kuyindula lenda sadisa beto na kuvanda na lembami?

Ya lenda sadisa beto na kukanisa na faso kyuvu yina lenda sadisa beto na kuzaba yinki ke mfunu samu na yandi mpe na kupesa yandi mvutu na lembami nyonso.​—w23.09, p. 17.

Yinki beto lenda longoka na faso Maria kuzwá ngolo?

Ntangu yandi kuwá ti, yandi zolá kuma mama ya Masiya, Maria kuzwá ngolo na nzila ya bampangi. Gabriele na Elizabeti sadilá malongi ya Biblia samu na kukindisa Maria. Beto mpe lenda kuzwa ngolo na bampangi.​—w23.10, p. 15.

Wa’ faso Yehova lenda pesa mvutu na balusambu ya beto?

Yehova me pesa beto nsilulu ti yandi ke kuwa balusambu ya beto, mpe ntangu Yehova ke kuwá balusambu ya beto, yandi ke kanisá mpe na bamambu yina yandi zola kulungisa. (Yer. 29:12) Yehova ke pesá ve bamvutu faso mosi na balusambu nyonso, kasi Yehova ke bika ve kusadisa beto ntangu nyonso.​—w23.11, pp. 21-22.

Baroma 5:2 ke zonzilá “kivuvu,” kasi samu na yinki ba ke zonzilá dyaka kivuvu yayi na verse 4?

Muntu yina ke ndimá nsangu ya mbote lenda vanda na kivuvu ya kuzinga ntangu nyonso na paradiso awa na ntoto. Kasi ntangu yandi ke kangá ntima na mantwala ya bampasi ya mutindu na mutindu, Yehova ke lakisak’ yandi ti yandi ke na sepelá na yandi, mpe kivuvu ya yandi ke lutilá kukula dyaka mpe ke kumá butsyeleka samu na yandi.​—w23.12, pp. 12-13.