Vutukila dyaka bamambu ya mfunu yina nge me katuka kulongoka

Ya me kuminaka kwandi nge na kuzimbana bamambu yina nge me katuka kutanga? Ntembe ve ya ke kuminaka beto nyonso bantangu ya nkaka. Yinki nge lenda sala? Vutukila bamambu ya mfunu yina nge me tanga.

Ntangu nge ke na longokaka, baka mwa ntangu ya kubaka banoti to ya kuyindula na yina nge ke na longokaka. Ni yina ntumwa Polo zonzaka na bampangi ya kento na ya bakala yina vanda longoka mukanda ya yandi na kusala, ntangu yandi zonzaka: “Dyambu ya kulutila mfunu na mambu nyonso.” (Ebr. 8:1) Faso ya yandi ya kusala yayi sadisaka bawu na kuyindula na mutindu bamambu vanda kwelana na disolo yina yandi vanda longa.

Na nsuka ya kulongoka ya nge, nge lenda soola kubaka mwa ntangu ya lenda vanda baminute 10 samu na kuyindula na bamambu ya kulutila mfunu yina nge me longoka. Kana nge me zimbana yawu, kunyonga ve, vutukila kutala yawu. Ya ke vandaka mingi-mingi na phrase ya ntete ya baparagrafe. Kana nge me longoka bamambu ya malu-malu, sosa kuzonzila yawu na mutindu nge me bakula yawu. Kana nge vutukila bamambu yina nge me katuka kulongoka, ya ke sadisa ve kaka nge na kubumba bamambu ya kulutila mfunu yina nge me longoka, kasi ya ke sadisa nge mpe na kuzaba wa’ faso nge lenda sadila yawu na luzingu ya nge.