Nsangu ya Biblia

Mutindu ya ke na talanaka na mukanda

Yehova Nzambi ke na muswa ya kuyala. Mutindu ya yandi ya kuyala me lutila mbote. Yandi ke lungisa dikanisi ya yandi na yina me tadila ntoto mpe bantu.

Adami na Eva na bilanga ya Edeni na nyoka pene-pene ya bawu

Na manima ya 4026 T.N.B.

“Nyoka” me telemina muswa ya Yehova ya kuyala mpe mutindu ya yandi ya kuyala. Yehova me pesa nsilulu ti yandi ke basisa “mwana,” to “mbuma,” yina nsuka-nsuka ke dyata yintu ya nyoka, Satana. (Kubanda 3:1-5, 15, noti ya yisi ya paje) Kasi, Yehova me bika ntangu na bantu samu ba yala bawu mosi na yisi ya lutumu ya nyoka.

Abrahami ke na kuwaka ntangu Nzambi ke na pesaka yandi nsilulu

1943 T.N.B.

Yehova me zonza na Abrahami ti “mwana” ya nsilulu ke vanda mosi ya mitekolo ya yandi.—Kubanda 22:18.

Na manima ya 1070 T.N.B.

Yehova me kindisa mfumu Davidi mpe na manima mwana ya yandi Salomo ti “mwana” yina ba pesaka nsilulu ke basika na dikanda ya bawu.—2 Samuele 7:12, 16, 1 Bamfumu 9:3-5, Izayi 9:6, 7.

29 N.B.

Yehova me lakisa pwelele ti “mwana” yina ba pesaka nsilulu ni Yesu, ni yandi ke byadila kiti ya kimfumu ya Davidi.—Bagalate 3:16, Luke 1:31-33; 3:21, 22.

33 N.B.

Nyoka, Satana, me lwalisa samu na mwa ntangu “mwana” yina ba pesaka nsilulu na kufwaka Yesu. Yehova me vumbula Yesu samu yandi kwenda zinga na mazulu mpe me ndima ntalu ya luzingu ya kulunga ya Yesu mpe ni yawu ke na pesaka Yehova nzila ya kulemvokila masumu mpe ya kupesa luzingu ya ntangu nyonso na mitekolo ya Adami.—Kubanda 3:15, Bisalu 2:32-36, 1 Bakorinto 15:21, 22.

Nyoka, Satana, me losama na ntoto mutindu Luzabusu zonzaka yawu

Pene ya 1914 N.B.

Yesu me losa nyoka, Satana, na zulu ya ntoto, mpe me bika yandi kuna samu na mwa ntangu fioti. —Luzabusu 12:7-9, 12.

Na zulu ya kiti ya yandi ya Kimfumu na mazulu Yesu ke na yalaka ntoto mutindu Luzabusu zonzaka yawu

Bilumbu yina ke kwiza

Yesu ke kanga Satana na boloko samu na bamvula 1 000 mpe na manima yandi ke kufwa yandi, lufwa yina me fwanisa kudyata yintu ya nyoka. Dikanisi ya Yehova ya ntete samu na ntoto mpe samu na bantu ke lungana. Nsoni nyonso yina ba losaka na zulu ya nkumbu ya yandi ke katuka mpe mutindu ya yandi ya kuyala ke talana ya kulutila mbote.—Luzabusu 20:1-3, 10, 21:3, 4.