Ntangu Mvula ya Nene nokaka​—Nani kuwaka? Nani kuwaka ve?

Na ntangu ya Nowe, bantu mingi vwandaka kusala yimbi. Kubanda 6:5

Adami na eva butaka babana. Bantu kumaka mingi na ntoto. Na manima, bambazi ya nkaka landaka Satana na kumanga kuwa Nzambi.

Bawu kwizaka na ntoto mpe bawu lwataka banzutu ya bantu samu na kukwela bankento. Bankento ya bawu butaka bana ya yinda na ngolo mingi. Bawu vwandaka kusala mambu ya yimbi.

Yinza fulukaka na bantu yina vwandaka kusala bamambu ya yimbi. Biblia kezonzaka ti bayina vwandaka kuzinga na ntoto vwandaka bantu ya yimbi mingi mpe makanisi ya bawu vwandaka ya kusala yimbi ntangu nyonso.

Nowe kuwaka Nzambi mpe yandi tungaka nzaza. Kubanda 6:13, 14, 18, 19, 22

Nowe vwandaka muntu ya mbote. Yehova zonzaka na yandi ti yandi kekufwa bantu ya yimbi na mvula ya nene yina kediamisa ntoto nyonso.

Nzambi zonzaka diaka na Nowe na kutunga nzaza, mpe yandi kotisa na kati dikanda ya yandi mpe bibulu ya mutindu nyonso.

Nowe kebisaka bantu ti mvula ya nene kele na kukwisa, kansi bawu kuwaka yandi ve. Bankaka vwandaka kuseka yandi, mpe bankaka vwandaka kuyina yandi.

Na ntangu nzaza manisaka, Nowe kotisaka bibulu na kati.