Bansangu samu na ba yina me kwiza na lukutakanu

BATEME Bakuluntu ya bimvuka me yidika bamambu samu na ba yina ke kuzwa bateme samedi na manima ya diskur ya bateme.

MAKABU Ba me basisa lukutakanu yayi na bandinga kuluta 400. Makabu yina beno ke pesá na ntima mosi, ke na sadisá na kutula diboko na bisalu ya kimpeve na yinza nyonso. Nge lenda sala dikabu na internet na donate.jw.org. Makabu nyonso ya vanda ya fioti to ya mingi, ke mfunu mingi. Bampangi ya Kimvuka ya Bantwadisi ke na vutulá beno matondo mingi samu na makabu ya beno.

LEKOLE YA E.E.R Bapionier yina ke na bamvula 23 tii na 65 yina ke na nsatu ya kusala dyaka mingi na kisalu ya kusamuna, beto ke na zonzá na bawu na kusolola na basekretere ya bimvuka ya bawu, mpe na kufulusa formulere ya lekole ya E.E.R na jw.org.