KILESO 18

Wapi faso nge lenda zaba banani kele bakristo ya tsyeleka

Mutindu ya ke na talanaka na mukanda

Bantu mingi ke zonzá ti ba kele bakristo, kasi bawu nyonso ke kwikilá ve na mambu mosi mpe ke landá ve misiku mosi. Na yawu, wa’ faso beto lenda zaba bakristo ya tsyeleka?

1. Yinki zola zonza kuvanda mukristo?

Bakristo kele bilandi ya Yesu Kristo. (Tanga Bisalu 11:26.) Wa’ faso ba ke lakisá ti ba kele bilandi ya Yesu? Yesu zonzá: “Kana beno sala mambu yina mu me zabisa beno, beno ke vwanda ya tsyelika bilandi ya munu.” (Yoane 8:31) Ya zola zonza ti bakristo ya tsyeleka fwana tumama na mambu yina Yesu longaka. Mutindu Yesu vanda longá kaka mambu ya biblia, bilandi ya yandi ya tsyeleka mpe ke longá kaka mambu ya Biblia.—Tanga Luke 24:27.

2. Wa’ faso bakristo ya tsyeleka ke lakisá luzolo?

Yesu zonzá na bilandi ya yandi: “Beno zolasana beno na beno mutindu mu ke zolaka beno.” (Yoane 15:12) Wa’ faso Yesu lakisá ti yandi vanda zolá bilandi ya yandi? Yandi vanda lutisá ntangu na bawu, vanda kindisá bawu, mpe vanda sadisá bawu. Yandi kwendá tii na kupesa luzingu ya yandi samu na bawu. (1 Yoane 3:16) Faso Yesu, bakristo ya tsyeleka ke suká ve kaka na kuzonzila luzolo. Kasi ba ke lakisaka yawu na nzonzolo mpe na ndyatulu ya bawu.

3. Wapi yina kele kisalu ya ntete ya bakristo ya tsyeleka?

Yesu pesá bilandi ya yandi kisalu mosi. “Yandi fidisaka bawu na kwenda kulongisa Nsangu ya Kimfumu ya Nzambi.” (Luke 9:2) Bakristo ya ntete vanda longá ve kaka na bisika yina bawu vanda sambilaka, kasi mpe na banzila mpe na bayinzo ya bantu. (Tanga Bisalu 5:42; 17:17.) Mutindu mosi mpe, bakristo ya tsyeleka bubu yayi ke longá matsyeleka ya Biblia bisika nyonso yina bantu kele. Samu ba ke zolá bantu nyonso, na ntima mosi, ba ke sadilá ntangu ya bawu samu na kulonga bantu mambu ya biblia. Ba ke salá bangolo yina samu bantu kuzwa ngolo mpe kivuvu yina Biblia ke pesaka.—Marke 12:31.

SOSA KUZABA MBOTE-MBOTE

Tala yinki ke lakisá ti bakristo ya tsyeleka kele ve faso mosi na ba yina ke sadilá ve malongi ya Yesu.

4. Ba ke sosá matsyeleka na Biblia

Bakristo zole ya siècle ya ntete ke na sosá matsyeleka na kati ya mambu ya Nzambi. — Samu na bakristo ya ntete, Biblia vandá na mfunu mingi.

Ba yina nyonso ke zonzá ti ba ke bakristo, ke bakilá ve Biblia faso mosi. Tala VIDEO, mpe na manima beto zonzila byuvu yina ke landa.

VIDEO: Mutindu bakristo ya luvunu bebisaka matsyeleka (5:11)

Yinki mabuundu yina ke zonzá ti ba ke bakristo, salá samu na kukanga bantu nzila na kuzaba matsyeleka ya Biblia?

Yesu longá matsyeleka ya Biblia. Tanga Yoane 18:37, mpe na manima beto zonzila kyuvu yayi:

Samu na Yesu, wa’ faso beto lenda zaba bakristo yina “ke na butsyelika”?

5. Ba ke samuná mambu ya Biblia

Bakristo ya siècle ya ntete ke na mwangisá nsangu ya mbote yinzo na yinzo. — Bakristo ya *siècle* ya ntete vandá longaka Biblia na bantu ya nkaka

Tekila Yesu kwenda na zulu, yandi bikilá bilandi ya yandi kisalu ya kusala. Kisalu yango zolá salama tii bubu yayi. Tanga Matayi 28:19, 20 mpe Bisalu 1:8, mpe na manima beto zonzila kyuvu yayi:

Kisalu ya kusamuna zolá salama tii na wapi ntangu mpe tii na wapi kisika?

6. Ba ke sadilá mambu yina ba ke longaka

Yinki natá bakala mosi na nkumbu ya Tom na kundima ti yandi kwizá zaba bakristo ya tsyeleka? Tala VIDEO, mpe na manima beto zonzila byuvu yina ke landa.

VIDEO: Mu baká mukanu ya kukwenda dyaka ve na mabuundu (5:20)

Yinki natá Tom na kukwenda dyaka ve na mabuundu?
Yinki natá yandi na kundima ti yandi me zaba dibuundu ya tsyeleka?

Ndyatulu me lutila kuzonza. Tanga Matayi 7:21, mpe na manima beto zonzila kyuvu yayi:

Yinki me lutila mfunu samu na Yesu—kuzonza ti beto kele bandimi to kulakisa yawu na ndyatulu ya beto?

7. Ba ke zolasanaka

Dikanda mosi ya bakristo ya siècle ya ntete, me nata bima ya kudya na dikanda mosi ya nkaka. — mpe ba vanda lakisá bantu luzolo

Bakristo ya tsyeleka me kumá kwandi tii na kupesa luzingu ya bawu samu na bampangi? Tala VIDEO, mpe na manima beto zonzila byuvu yina ke landa.

VIDEO: Yandi zolá pesa luzingu samu na mpangi ya yandi (2:55)

Yinki natá mpangi Lloyd na kusosa kupesa luzingu ya yandi samu na mpangi Johansson?
Nge me kanisa ti yandi me sala faso mukristo ya tsyeleka zola sala?

Tanga Yoane 13:34, 35, mpe na manima beto zonzila byuvu yayi:

Wa’ faso bakristo ya tsyeleka ke bakilá bantu ya ndinga ya nkaka to ya bwala ya nkaka?
Wa’ faso ba ke bakilá bawu na ntangu ya bamvita na bwala?

BANTU YA NKAKA KE ZONZAKA: “Nzambi ke ndimá mabuundu nyonso.”

Wapi verse nge lenda sadila, samu na kulakisa ti na kuvanda bisadi ya Nzambi ya tsyeleka, ya ke na bima beto me bonga kusala?

NA BUNKUFI

Bakristo ya tsyeleka ke sadilá mambu yina Biblia ke longá, ke lakisá luzolo ya tsyeleka, mpe ke longá mambu ya Biblia na bantu ya nkaka.

Mambu ya kusimba

Mambu yina bakristo ya tsyeleka ke kwikilaka ke katuká wapi kisika?
Na wapi bifu beto lenda zabila bakristo ya tsyeleka?
Wapi yina ke kisalu ya bakristo ya tsyeleka?

Sonika kilumbu yina kileso me manisa:

Yina nge lenda sala

Kana nge ke na makoki, kwenda tala Béthel ya Bambangi ya Yehova yina ke pene-pene na kisika nge ke vandaka.

Mambu ya nkaka ya kusala:

Your other goal

SOSA KUZABA DYAKA

Longoka mingi na yina me tadila bansalulu ya ba yina ke salá bangolo samu na kulanda kifwani mpe malongi ya Yesu.

Bambangi ya Yehova ke banani? (1:13)

Tala faso kento mosi, yina vandá religieuse kwizá kuzwa “dikanda ya kimpeve ya tsyeleka.”

“ Ils ont utilisé la Bible pour répondre à toutes mes questions ! ” (La Tour de Garde, 1^er Avril 2014)

Tala faso bakristo ya tsyeleka ke sadisá bampangi ya bawu yina ke na nsatu ya lusalusu.

Lusalusu na bampangi ya beto na ntangu ya mpasi—Ndambu (3:57)

Yesu longá faso ya kuzaba bakristo ya tsyeleka. Longoka faso bakristo ya tsyeleka ya bubu yayi ke lakisaka yawu faso bakristo ya ntete.

“ À quoi se reconnaît le christianisme authentique ? ” (La Tour de Garde, 1^er Mars 2012)