Longa na mutindu ya pete

Yinki Yesu salaka

VIDEO: Yesu ke na sadilaka bifwani na kulakisa mutindu Tata ya beto ke kipeke beto

1. Tala VIDEO, to tanga Matayi 6:25-27. Na manima, kanisa na byuvu yayi:

1. Wa’ faso Yesu sadilaka bifwani na kulakisa ti Yehova ke kipeke beto?

2. Ata ti Yesu zabaka bamambu mingi na yina me tadila bandeke, na wapi mwa mambu ya fioti yandi kwizaka kukangama? Samu na yinki ya vandaka faso ya mbote ya kulonga?

Yinki beto lenda longoka na kifwani ya Yesu?

2. Kana beto longa na faso ya pete, bantu ke zimbana ve mambu yina beto me longa bawu mpe ya ke simba bantima ya bawu.

Landa kifwani ya Yesu

3. Kuzonza ve mingi. Kuzonza ve nyonso yina nge me zaba na mambu yina beno ke na longokaka, kasi sadila kaka makanisi ya kileso yina beno ke na longokaka. Na manima ya kuyufula kyuvu, vingila na ntima ya yinda nyonso mvutu ya muntu yina ke na longokaka na nge. Kana yandi me zaba ve mvutu to yandi me zonza mambu yina ke na kwelanaka ve na malongi ya Biblia, sadila mwa byuvu ya fioti samu na kusadisa yandi na kuzwa mvutu yina me lunga. Kana yandi me bakula dikanisi yina ke mfunu, beno luta na mambu ya nkaka.

4. Sadila bamambu yina mulongoki me zaba samu na kusadisa yandi na kubakula malongi ya malu-malu. Na kifwani, tekila nge banda kileso yina ke zonzila mvumbukulu ya bantu ya kufwa, nge lenda zonzila na bunkufi bamambu yina beno longokaka na yina me tadila bantu ya kufwa.

5. Sadila bifwani na mayela nyonso. Tekila nge sadila kifwani, nge lenda kukiyufula byuvu yayi:

1. ‘Kifwani yayi kele kwandi pete?’

2. ‘Ya ke vanda kwandi pete na mulongoki ya munu na kubakula yawu?

3. ‘Na manima ya kuwa yawu, yinki yandi ke bumba? Malongi ya mfunu to kaka kifwani?’