Bamambu nyonso ya mpasi ke vandá na nsuka ya yawu

Bampasi lenda lembisa beto, mingi-mingi kana ya baka ntangu mingi. Davidi zabá ti bampasi yina mfumu Saule vandá pesa yandi, ke vanda na nsuka ya yawu. Mpe ti yandi ke kuma mfumu faso Yehova zonzak’ yawu. (1Sa 16:13) Kiminu ya Davidi sadisak’ yandi na kuvanda na ntima ya yinda, mpe na kuvingila ti Yehova yidika bamambu.

Kana beto ke na kutaná na bamambu ya mpasi, beto lenda tadila bamambu na faso ya mbote, kusadila mayela to bangolo ya beto ya kukanisa samu na kumanisa bampasi yina. (1Sa 21:12-14; Bin 1:4) Kasi ya lenda vanda mpasi ti beto manisa bampasi ya nkaka, ata beto me sala nyonso yina ya me lomba ti beto sala na kukwelana na misiku ya Biblia. Kana beto me kutana na mambu ya faso yayi, beto me lunga kulakisa ntima ya yinda mpe kuvingila Yehova. Ntangu fioti kaka me bikana yina Yandi ke manisa bampasi ya beto, mpe ke “kusuna masangasa nyonso” na meso ya beto. (Luz 21:4) Ya vanda ti bampasi ya beto me manisa samu Yehova muntu me manisa yawu to samu na mambu ya nkaka, mambu ya mfunu ke ti: Bampasi nyonso ke vandá na kilumbu yina ya ke suka. Kuzaba mambu yayi lenda pesa beto bukindi.

LUTISA VIDEO BANTU YINA KE NA BUMOSI NA YINZA YINA KE YA KUKABUKA, MPE NA MANIMA YUFULA BYUVU YAYI:

• Wapi bamambu ya mpasi bakristo ya nkaka ya Sud ya Etats-Unis kutaná na yawu?

• Wapi mutindu ba lakisá ntima ya yinda mpe luzolo?

• Wapi mutindu ba landá kutula dikebi na “mambu ya kuluta mfunu”?—Flp 1:10