Kota na JW.ORG samu nge kuzwa mayela bilumbu nyonso

Biblia ke sadisá beto na kunwana na bamambu ya mpasi yina beto ke kutaná na yawu na bilumbu ya nsuka yayi. (2Tim 3:1, 16, 17) Bantangu ya nkaka, beto lenda vanda na nsatu ya lubakusu samu na kuzwa malongi ya Biblia yina ke na zonzilá mambu yina ke kwamisá beto mingi. Na kifwani, nge ke tata to mama yina ke na sosá malongi samu na kukulisa bana ya nge? Nge ke ntwenya yina ke na nwaná samu na kubumba ngolo kiminu ya nge? Nge ke na kati ya mawa samu bakala to kento ya nge me kufwa? Na jw.org nge lenda kuzwa malongi ya Biblia yina lenda sadisa nge na bamambu ya mpasi yina ke na kuminá nge.—Bin 2:3-6.

Na paje ya ntete ya jw.org kota kisika yina ba me sonika MALONGI YA BIBLIA. (Tala kizizi 1.) Na kati ya bamambu yina ke basika, sola yina nge me zola. To kota na BIBLIOTEK > RUBRIK mpe yina nge me zola. (Tala kizizi 2.) nge lenda kuzwa mpe mambu yango na JW Library^®.a Nge lenda sosa malongi na bisika zole yina. Nge lenda kuzwa mpe mambu yina nge zola kana nge kwenda kisika yina ba me sonika sosa jw.org.

Na kisika yina ba me sonika sosa, sonika bamambu yina ke na yisi mpe yina nge me zola kutanga.

• Mutindu ya kukulisa bana

• Makanisi ya yimbi yina ke lembisá bantwenya

• Lufwa ya kento to bakala ya nge