BIMVWAMA YA BIBLIA

Sadila mayela samu na kusola muntu yina nge ke kwelana na yandi

Salomo salá buzoba ntangu yandi kwelá bakento yina vandá sambila banzambi ya luvunu (1Mf 11:1, 2; w18.07-F 18 § 7)

Malembe-malembe bakento ya Salomo bendá ntima ya yandi mpe ya vandá dyaka ve ya muvimba na meso ya Yehova (1Mf 11:3-6; w19.01-F 15 § 6)

Yehova dasukilá Salomo (1Mf 11:9, 10; w18.07-F 19 § 9)

Collage: Mpangi mosi ya kento yina ke ve ya kukwela ke na longoka Biblia yandi mosi mpe ke na kanisá na mpangi ya nkaka ya bakala yina ke ve ya kukwela. 1. Mpangi yango ya bakala ke na pesá mvutu na lukutakanu ya kimvuka. 2. Yandi ke na samuná na nzila. 3. Mpe ke na tulá diboko na bisalu ya Yinzo ya Kimfumu.

Biblia ke zonzá ti mukristo yina ke na nsatu ya kukwela zolá kwela kaka na “luzolo ya Mfumu.” (1Ko 7:39) Ni mbotokolo ve ke salá ti muntu vanda ya kuyindama samu na makwela. Kasi muntu yango lenda sadisa kwandi nge na kusadila Yehova na ntima nyonso? Yandi me lakisa kwandi luzolo ya mingi na Yehova? Tekila nge ndima makwela, baka ntangu ya kuzaba mbote muntu yina nge ke na sosá kukwela.